സംവിധായകൻ രഞ്ജി​ത്ത് മോ​ശ​മാ​യി പെരുമാറി, ആരോ​പണവുമായി ബംഗാ​ളി ന​ടി

സംവിധായകൻ രഞ്ജിത്തിനെതിരേ ആരോപണവുമായി ബംഗാളി നടി ശ്രീലേഖ മിത്ര. പാലേരി മാണിക്യമെന്ന ചിത്രത്തിനായുള്ള ഒഡീഷനിടെ സംവിധായകൻ മോശമായി പെരുമാറിയെന്നാണ് നടി മലയാളം വാര്‍ത്താ ചാനലായ 24 നോട് വെളിപ്പെടുത്തിയത്. സം​ഭ​വ​ത്തി​ൽ ഡോ​ക്യു​മെ​ന്‍റ​റി സംവിധാ​യ​ക​ൻ ജോ​ഷി ജോസഫിനോ​​ട് പ​രാ​തി പ​റ​ഞ്ഞിട്ടും ഒ​രു ന​ട​പ​ടി​യും ഉ​ണ്ടാ​യി​ല്ല. പി​ന്നീ​ട് തനി​ക്ക് ഒ​രു സി​നി​മ​യി​ലും അ​വ​സ​രം കിട്ടിയില്ലെ​ന്ന് ശ്രീ​ലേ​ഖ പ​റ​ഞ്ഞു. തി​രി​ച്ചു നാട്ടിലേക്കു പോ​കാ​നു​ള്ള പ​ണം പോ​ലും തന്നില്ല. ഒ​റ്റ​യ്ക്ക് പി​റ്റേ​ന്ന് ത​ന്നെ നാ​ട്ടി​ലേ​ക്ക് മ​ട​ങ്ങി​യെ​ന്നും ന​ടി പ​റ​ഞ്ഞു. 2009-10 കാ​ല​ഘ​ട്ട​ത്തി​ലാ​ണ് സം​ഭ​വം ന​ട​ന്ന​തെ​ന്നും ഒ​രു രാ​ത്രി മുഴു​വ​ൻ ഹോ​ട്ട​ലി​ൽ ക​ഴി​ഞ്ഞ​ത് പേ​ടി​ച്ചാ​ണെ​ന്നും ന​ടി പ​റ​ഞ്ഞു.

നടിയുടെ വെളിപ്പെടുത്തൽ സത്യമാണെന്ന് ഡോക്യുമെന്‍ററി സംവിധായകൻ ജോഷി പറഞ്ഞു. കൊച്ചിയിൽ വച്ചാണ് സംഭവം നടന്നതെന്നും സംവിധായകൻ രഞ്ജിത്തിൽ നിന്ന് മോശം പെരുമാറ്റം ഉണ്ടായെന്ന് എന്നോട് പറഞ്ഞെന്നും അദ്ദേഹം വെളിപ്പെടുത്തി. ദുരനുഭം നടി തന്നെ അറിയിച്ചിരുന്നു. അന്നത് വിഷയമാക്കാൻ നടിക്ക് ഭയമായിരുന്നു. പോലീസിൽ പറയാനും ഭയമായിരുന്നുവെന്നും അദ്ദേഹം പ്രതികരിച്ചു.

അതേസമയം മോശമായി പെരുമാറിയെന്ന ബം​ഗാളി നടി ശ്രീലേഖ മിത്രയുടെ ആരോപണം സംവിധായകന്‍ രഞ്ജിത്ത് നിഷേധിച്ചു. നടിയോട് താൻ മോശമായി പെരുമാറിയിട്ടില്ലെന്നും പാലേരി മാണിക്യം സിനിമയുടെ ഓഡിഷൻ ടെസ്റ്റിന് നടി വന്നിരുന്നുവെന്നും രഞ്ജിത്ത് പറഞ്ഞു. ഒരു സ്വകാര്യ ചാനലിനോടായിരുന്നു സംവിധായകന്റെ പ്രതികരണം. കഥാപാത്രത്തിന് അനുയോജ്യം അല്ലാത്തത് കൊണ്ടാണ് അവരെ പരിഗണിക്കാതിരുന്നതെന്നും രഞ്ജിത്ത് പറഞ്ഞു.
<BR>
TAGS : ASSAULTED | RANJITH
SUMMARY : Bengali actress accuses director Ranjith of misbehaving