ബെംഗളൂരു: സംസ്ഥാനത്ത് അടുത്തയാഴ്ച മുതൽ കനത്ത മഴയ്ക്ക് സാധ്യതയുള്ളതായി കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. ദക്ഷിണ കന്നഡ, ഉത്തര കന്നഡ, ഉഡുപ്പി, ചിക്കമഗളൂരു, ഹാസൻ, കുടക്, ശിവമോഗ എന്നീ ജില്ലകളിൽ അടുത്ത നാല് ദിവസത്തേക്ക് ഐഎംഡി യെല്ലോ അലർട്ട് പ്രഖ്യാപിച്ചിട്ടുണ്ട്.
ബെലഗാവി, ബാഗൽകോട്ട്, ബീദർ, ധാർവാഡ്, ഗദഗ്, ഹാവേരി, കലബുർഗി, കോപ്പാൾ, റായ്ച്ചൂർ, വിജയപുര, യാദ്ഗിർ, ബെംഗളൂരു റൂറൽ, ബെംഗളൂരു അർബൻ, ചാമരാജനഗർ, ചിത്രദുർഗ, ദാവൻഗരെ, കോലാർ, മാണ്ഡ്യ, മൈസൂരു, രാമനഗര, തുമകുരു ജില്ലകളിൽ ഒറ്റപ്പെട്ട മിതമായ മഴ ലഭിക്കുമെന്ന് ഐഎംഡി പ്രവചിച്ചു.
ഗോകർണ, മണി, പുത്തൂർ, കാർക്കള, ഷിരാഡി, അങ്കോള, ബെൽത്തങ്ങാടി, ഭാൽക്കി, ശൃംഗേരി, ഉഡുപ്പി, കോട്ട, ധർമസ്ഥല, സിദ്ധാപുര, ഗംഗാവതി, പനമ്പൂർ, ബദാമി, കമ്മാരടി, ജയപുര തുടങ്ങിയ സ്ഥലങ്ങളിൽ കഴിഞ്ഞ രണ്ട് ദിവസത്തിനിടെ അതിശക്തമായ മഴയാണ് ലഭിച്ചത്. ബെംഗളൂരുവിൽ ഒറ്റപ്പെട്ട ശക്തമായ മഴയാണ് കഴിഞ്ഞ ദിവസങ്ങളിൽ ലഭിച്ചത്. വരും ദിവസങ്ങളിലും സമാന സ്ഥിതി തുടരുമെന്ന് ഐഎംഡി അറിയിച്ചു.
TAGS: KARNATAKA | RAIN UPDATES
SUMMARY: Rain Alert, Yellow Alert Issued for Seven Districts in Karnataka
WhatsApp
Telegram
