ബെംഗളൂരു: ബെംഗളൂരു – ഹുബ്ബള്ളി വന്ദേ ഭാരത് ബെളഗാവിയിലേക്ക് നീട്ടാനുള്ള പദ്ധതി പരിഗണനയിലെന്ന് ബെളഗാവി എംപി ജഗദീഷ് ഷെട്ടാർ. ഇതുമായി ബന്ധപ്പെട്ട് കഴിഞ്ഞ ദിവസം റെയിൽവേ അധികൃതരുമായി സംസാരിച്ചിരുന്നെന്നും, പദ്ധതി പരിഗണനയിലാണെന്നും അദ്ദേഹം പറഞ്ഞു.
അതേസമയം പൂനെ – ബെളഗാവി വന്ദേ ഭാരത് ട്രെയിൻ സെപ്റ്റംബർ 16 മുതൽ സർവീസ് ആരംഭിക്കും. പ്രധാനമന്ത്രി നരേന്ദ്ര മോദി വീഡിയോ ലിങ്ക് വഴി ട്രെയിൻ ഫ്ലാഗ് ഓഫ് ചെയ്യും. തുടക്കത്തിൽ ആഴ്ചയിൽ മൂന്ന് ദിവസമായിരിക്കും ട്രെയിൻ സർവീസ് നടത്തുക. യാത്രക്കാരുടെ തിരക്ക് അനുസരിച്ച് സർവീസ് ദിനേന നടത്തിയേക്കുമെന്ന് ഷെട്ടാർ പറഞ്ഞു.
ഇതിന് പുറമെ ബെളഗാവി -കിറ്റൂർ-ധാർവാഡ് റെയിൽവേ ലൈൻ സമയബന്ധിതമായി പൂർത്തിയാക്കാൻ ശ്രമിക്കുന്നുണ്ട്. ബെളഗാവി സാംബ്രയിലെ വിമാനത്താവളത്തിൻ്റെ നവീകരണത്തിനാണ് നിലവിൽ സംസ്ഥാന സർക്കാരും കേന്ദ്രവും ഊന്നൽ നൽകുന്നത്. വിമാനത്താവളത്തിനായി ഇതിനകം 14 ഏക്കറോളം ഭൂമി ഏറ്റെടുത്തിട്ടുണ്ടെന്നും അദ്ദേഹം കൂട്ടിച്ചേർത്തു.
TAGS: BENGALURU | VANDE BHARAT
SUMMARY: Vande Bharat train from Belagavi to Bengaluru plan on action
