ബെംഗളൂരു: പർപ്പിൾ ലൈൻ മെട്രോ ട്രക്കിലേക്ക് ചാടിയ യുവാവിനെ രക്ഷപ്പെടുത്തി. ജ്ഞാനഭാരതി മെട്രോ സ്റ്റേഷനിൽ ചൊവ്വാഴ്ച ഉച്ചയ്ക്ക് 2.13ഓടെയാണ് സംഭവം. ബീഹാർ സ്വദേശി സിദ്ധാർത്ഥ് (30) ആണ് ട്രാക്കിലേക്ക് ചാടിയത്.
സ്റ്റേഷൻ കൺട്രോളറും സുരക്ഷ ജീവനക്കാരും ഉടൻ തന്നെ എമർജൻസി ട്രിപ്പ് സിസ്റ്റം (ഇടിഎസ്) പ്രവർത്തനക്ഷമമാക്കി ട്രെയിൻ നിർത്തിയതോടെയാണ് യുവാവിനെ രക്ഷിക്കാൻ സാധിച്ചത്. സിദ്ധാർത്ഥിന് പരുക്കുകളൊന്നും പറ്റിയിട്ടില്ലെന്ന് ബിഎംആർസിഎൽ ഉദ്യോഗസ്ഥർ അറിയിച്ചു. അതേസമയം എന്തിനാണ് ട്രാക്കിലേക്ക് ചാടിയതെന്ന് നിലവിൽ വ്യക്തമല്ല. യുവാവിനെതിരെ പോലീസ് കേസെടുത്തിട്ടുണ്ട്.
സംഭവത്തെ തുടർന്ന് പർപ്പിൾ ലൈനിലെ മെട്രോ സർവീസുകൾ കുറച്ചുനേരം തടസ്സപ്പെട്ടു. മൈസൂരു റോഡിനും ജ്ഞാനഭാരതി സ്റ്റേഷനുകൾക്കുമിടയിൽ ഉച്ചയ്ക്ക് 2.13 മുതൽ 2.30 വരെ ട്രെയിൻ സർവീസ് തടസപ്പെട്ടു. സ്ഥിതിഗതികൾ കാര്യക്ഷമമായി കൈകാര്യം ചെയ്തതായും ട്രെയിൻ സർവീസ് പുനസ്ഥാപിച്ചതായും ബിഎംആർസിഎൽ ഉദ്യോഗസ്ഥർ അറിയിച്ചു.
TAGS: BENGALURU | NAMMA METRO
SUMMARY: Youth jumps into metro track, rescued
