ബെംഗളൂരു: ബെംഗളൂരുവിൽ ഓട്ടോറിക്ഷയും ലോറിയും കൂട്ടിയിടിച്ച് ഒരു മരണം. ശനിയാഴ്ച പുലർച്ചെ രാജ്ഭവൻ റോഡിലെ കോഫി ബോർഡ് ട്രാഫിക് സിഗ്നലിന് സമീപമാണ് സംഭവം. ശാലിനിയാണ് (29) മരിച്ചത്. യുവതി ബെൻസൺ ടൗണിലെ ചിന്നപ്പ ഗാർഡനിൽ നിന്ന് മജസ്റ്റിക്കിലേക്ക് പോകവേയാണ് അപകടമുണ്ടായത്.
കോഫി ബോർഡ് ജംഗ്ഷനിൽ വെച്ച് സ്റ്റീൽ കമ്പികൾ കയറ്റി വന്ന ലോറി ട്രാഫിക് സിഗ്നൽ മറികടക്കാൻ ശ്രമിക്കവേ ഓട്ടോയിൽ ഇടിക്കുകയായിരുന്നു. സംഭവത്തിൽ ഓട്ടോ ഡ്രൈവർ ഇമ്രാന് പരുക്കേറ്റു. കബ്ബൺ പാർക്ക് ട്രാഫിക് പോലീസ് സ്ഥലത്തെത്തി മൃതദേഹം പോസ്റ്റ്മോർട്ടത്തിനായി ബൗറിംഗ് ആശുപത്രിയിലേക്ക് മാറ്റി.
TAGS: BENGALURU | ACCIDENT
SUMMARY: Woman passenger dies as lorry crashes into autorickshaw at Coffee Board junction
