ബെംഗളൂരു: എയർപോർട്ട് ഇലക്ട്രിക് ടാക്സി സേവനം ഉപമുഖ്യമന്ത്രി ഡി. കെ. ശിവകുമാർ ഫ്ലാഗ് ഓഫ് ചെയ്തു. സ്വകാര്യ കമ്പനിയായ റെഫേക്സ് ഇ – വീൽസ് കമ്പനിയുടേതാണ് പുതിയ ടാക്സികൾ. ബെംഗളൂരു വിമാനത്താവളത്തിൽ നിന്നും മാത്രമാണ് ഈ ടാക്സികൾ സർവീസ് നടത്തുള്ളൂവെന്ന് കമ്പനി അറിയിച്ചു.
നിലവിൽ നഗരത്തിലെ പലയിടങ്ങളിലായി 200 ഓളം ഇ – കാറുകൾ കമ്പനി സർവീസ് നടത്തുന്നുണ്ട്. ഇതിന് പുറമെയാണ് 170 എയർപോർട്ട് ഇലക്ട്രിക് കാറുകൾ കൂടി നിരത്തിലിറക്കിയിട്ടുണ്ട്. യാത്രക്കാർക്ക് നിശ്ചിത സമയത്തേക്ക് ഇ – കാബുകൾ 699 രൂപയ്ക്ക് ബുക്ക് ചെയ്യാൻ സാധിക്കും. ഇത്തരം ഇ – കാബുകൾ നഗരത്തിലെ കൂടുതൽ സ്ഥലങ്ങളിൽ അവതരിപ്പിക്കാനുള്ള പദ്ധതി ആവിഷ്കരിക്കുകയാണെന്ന് ഉപമുഖ്യമന്ത്രി ഡി. കെ. ശിവകുമാർ പറഞ്ഞു.
TAGS: BENGALURU | E TAXI
SUMMARY: Dycm launches airport electric taxi service in Bengaluru
