ഗുഡ്‌സ് ട്രക്കിടിച്ച് അഞ്ച് വയസുകാരൻ മരിച്ചു

ബെംഗളൂരു: ബെംഗളൂരുവിൽ ഗുഡ്‌സ് ട്രക്കിടിച്ച് അഞ്ച് വയസുകാരൻ മരിച്ചു. കെജി ഹള്ളിയിൽ ഞായറാഴ്ചയായിരുന്നു അപകടം. ബന്ധുവിൻ്റെ വീടിന് സമീപം റോഡ് മുറിച്ചുകടക്കാൻ ശ്രമിക്കുന്നതിനിടെ കുട്ടിയെ വാഹനമിടിക്കുകയായിരുന്നു.

ബന്ധുവിന്റെ വീട്ടിലേക്ക് സ്കൂട്ടറിൽ അച്ഛനൊപ്പം പോകുകയായിരുന്നു കുട്ടി. സ്കൂട്ടർ പാർക്ക് ചെയ്തതോടെ അച്ഛന്റെ കൈവിട്ട് കുട്ടി റോഡിലേക്ക് ഇറങ്ങുകയായിരുന്നു. ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. സംഭവം സമീപത്തെ സിസിടിവി ക്യാമറയിൽ പതിഞ്ഞിട്ടുണ്ട്. കെജി ഹള്ളി ട്രാഫിക് പോലീസ് കേസെടുത്ത് ഡ്രൈവറെ അറസ്റ്റ് ചെയ്തു.

TAGS: BENGALURU | ACCIDENT
SUMMARY: Five year old dies by hitting Goods truck