ബെംഗളൂരു: മരക്കൊമ്പ് ദേഹത്ത് വീണ് ഒമ്പത് വയസുകാരന് ഗുരുതര പരുക്ക്. നന്ദി ദുർഗ റോഡിൽ ബുധനാഴ്ച രാവിലെ എട്ട് മണിയോടെയാണ് സംഭവം. എംആർഎസ് പാളയയിൽ താമസിക്കുന്ന ഡേവിഡിനാണ് പരുക്കേറ്റത്. ഡേവിഡും പിതാവും ഇരുചക്രവാഹനത്തിൽ സ്‌കൂളിലേക്ക് പോകുമ്പോൾ മരക്കൊമ്പ് ദേഹത്ത് വീഴുകയായിരുന്നു.
ഇരുവരും റോഡിലേക്ക് തെറിച്ചുവീണു. പ്രദേശവാസികളാണ് ഇരുവരെയും ആശുപത്രിയിലെത്തിച്ചത്. സംഭവത്തിൽ ഡേവിഡിന്റെ തോളിനും തലയ്ക്കും ഗുരുതരമായി പരുക്കേറ്റു. സംഭവത്തിൽ ബിബിഎംപിയും, സിറ്റി പോലീസും കേസെടുത്തു. ബിബിഎംപി ഉദ്യോഗസ്ഥരുടെ അനാസ്ഥയാണ് അപകടത്തിന്റെ കാരണമെന്നാണ് പ്രദേശവാസികളുടെ ആരോപണം.
TAGS: BENGALURU | ACCIDENT
SUMMARY: Boy critically injured after tree branch falls on him in Bengaluru
