കൊച്ചി: ഇന്ത്യൻ സൂപ്പർ ലീഗിൽ കേരള ബ്ലാസ്റ്റേഴ്സിന് ജയം. കൊച്ചിയിൽ നടന്ന മത്സരത്തിൽ മൊഹമ്മദൻസിനെ എതിരില്ലാത്ത മൂന്നു ഗോളുകൾക്ക് പരാജയപ്പെടുത്തിയാണ് ബ്ലാസ്റ്റേഴ്സിന്റെ ഗംഭീര തിരിച്ചുവരവ്.
ഗോൾരഹിത ആദ്യ പകുതിക്കു ശേഷം 62-ാം മിനിറ്റിൽ ലഭിച്ച സെൽഫ് ഗോളാണ് കേരളത്തെ മുന്നിലെത്തിച്ചത്. തുടർന്ന് 80-ാം മിനിറ്റിൽ നോവയും 90-ാം മിനിറ്റിൽ അലെക്സാണ്ടർ കോഫും മൊഹമ്മദൻസിന്റെ വലകുലുക്കി. നീണ്ട ഇടവേളയ്ക്ക് ശേഷമാണ് കേരള ബ്ലാസ്റ്റേഴ്സ് വിജയവഴിയിലെക്ക് തിരികെയെത്തുന്നത്.
താത്കാലിക പരിശീലകൻ ടി.ജി പുരുഷോത്തമനു കീഴിലാണ് ബ്ലാസ്റ്റേഴ്സ് ഇത്തവണ ഇറങ്ങിയത്. കോച്ച് മിഖായേൽ സ്റ്റാറെയെ പുറത്താക്കിയ ശേഷമുള്ള ആദ്യ മത്സരം കൂടിയായിരുന്നു ബ്ലാസ്റ്റേഴ്സിനിത്. തുടര്‍ച്ചയായ തോല്‍വികളില്‍ നട്ടംതിരിഞ്ഞ ബ്ലാസ്റ്റേഴ്സിന് ആശ്വാസമാണ് ഈ വിജയം.
TAGS: SPORTS | FOOTBALL
SUMMARY: Kerala blasters beats mohammadans in a giant comeback
