ബെംഗളൂരു: കെഎസ്ആർടിസി ബസ് ഇരുചക്രവാഹനത്തിലിടിച്ചുണ്ടായ അപകടത്തിൽ എട്ട് വയസുകാരൻ ഉൾപ്പെടെ രണ്ട് പേർ മരിച്ചു. ദൊഡ്ഡബല്ലാപുര റൂറൽ പോലീസ് സ്റ്റേഷൻ പരിധിയിൽ വ്യാഴാഴ്ചയാണ് സംഭവം. വെങ്കിടേഷ് മൂർത്തി (40) ചെറുമകൻ എന്നിവരാണ് മരിച്ചത്. ബെംഗളൂരു-ഹിന്ദുപുര റോഡിൽ രാവിലെയാണ് അപകടമുണ്ടായത്.
ബെംഗളൂരുവിലേക്ക് ഇരുചക്രവാഹനത്തിൽ പോകുകയായിരുന്ന മൂർത്തിയെ ബസ് ഇടിക്കുകയായിരുന്നു. മുമ്പിൽ പോയിരുന്ന എ‌പി‌എസ്‌ആർ‌ടി‌സി ബസിനെ മറികടക്കാൻ വെങ്കടേഷ് ശ്രമിച്ചതാണ് അപകടത്തിനു കാരണമായതെന്ന് പോലീസ് പറഞ്ഞു.
വെങ്കിടേഷ് സംഭവസ്ഥലത്തും, ചെറുമകൻ ആശുപത്രിലേക്ക് പോകുന്ന വഴിക്കുമാണ് മരിച്ചത്. അപകടത്തിൽ രണ്ട് പേർക്ക് പരുക്കേറ്റു. ഇവരെ സമീപത്തെ ആശുപത്രിയിൽ പ്രവേശിപ്പിച്ചിട്ടുണ്ട്. സംഭവത്തിൽ ദൊഡ്ഡബല്ലാപുര റൂറൽ പോലീസ് കേസെടുത്തു.
TAGS: BENGALURU | ACCIDENT
SUMMARY: Two dies after ksrtc bus hits two wheeler
