ബെംഗളൂരു: മോഷ്ടിച്ച പണം ഉപയോഗിച്ച് കാമുകിക്ക് ആഡംബര വീട് സമ്മാനിച്ച യുവാവ് പിടിയിൽ. ബെംഗളൂരുവിൽ താമസിക്കുന്ന പഞ്ചാക്ഷരി സ്വാമിയാണ് (37) പിടിയിലായത്. മൂന്ന് കോടി രൂപ മുടക്കിയാണ് ഇയാൾ കാമുകിക്ക് വീട് നിർമിച്ചത്.
ദീർഘനാളായി മഡിവാള പോലീസിന്റെ നിരീക്ഷണത്തിലായിരുന്നു പ്രതി. മഹാരാഷ്ട്രയിലെ സോലാപുർ സ്വദേശിയായ ഇയാൾ വിവാഹിതനും ഒരു കുട്ടിയുടെ അച്ഛനുമാണ്. 2003 മുതൽ മോഷണം ആരംഭിച്ച ഇയാൾ 2009 ആയപ്പോഴേക്കും മറ്റു കുറ്റകൃത്യങ്ങളിൽ ഏർപ്പെട്ടിരുന്നതായി പോലീസ് പറഞ്ഞു. കുറ്റകൃത്യങ്ങളിലൂടെ കോടികളുടെ സ്വത്ത് സമ്പാദനം നടത്തിയ ഇയാൾക്ക് 2014-15 കാലഘട്ടത്തിൽ കന്നഡയിലെ പ്രമുഖ നടിയുമായി പ്രണയബന്ധമുണ്ടായിരുന്നുവെന്നും പോലീസ് പറഞ്ഞു.
കൊൽക്കത്തയിൽ മൂന്ന് കോടി രൂപ ചെലവിട്ട് വീട് നിർമിക്കുകയും 22 ലക്ഷം രൂപയോളം വില വരുന്ന അക്വേറിയം സമ്മാനമായും ഇയാൾ നൽകിയിരുന്നു. ഇയാളിൽ നിന്നും സ്വർണം ഉരുക്കി സ്വർണ ബിസ്‌കറ്റുകളാക്കി മാറ്റാൻ ഉപയോഗിക്കുന്ന ഇരുമ്പ് ദണ്ഡും ഫയർ ഗണ്ണും പോലീസ് പിടിച്ചെടുത്തിട്ടുണ്ട്. നിലവിൽ 181 ഗ്രാം സ്വർണ ബിസ്‌ക്കറ്റുകൾ, 333 ഗ്രാം വെള്ളി എന്നിവയും പോലീസ് പിടിച്ചെടുത്തു.
TAGS: BENGALURU | ARREST
SUMMARY: Bengaluru Police arrests a thief who gifted ₹3 crore worth home to his girl friend
