ബെംഗളൂരു : ബന്ദിപ്പുർ, ഗുണ്ടൽപേട്ട് വനമേഖലയുടെ സമീപത്തുള്ള ജനവാസകേന്ദ്രങ്ങളിലിറങ്ങിയ രണ്ട് പുള്ളിപ്പുലികൾ വനംവകുപ്പിന്റെ പിടിയിലായി. ബന്ദിപ്പുരിലെ മദ്ദൂർ വനമേഖലയിലെ ഹൊങ്കഹള്ളി വില്ലേജിൽനിന്ന് നാലുവയസ്സുള്ള ആൺപുലിയും ഗുണ്ടൽപേട്ടിലെ അക്കലപുരയില്‍ മൂന്നുവയസ്സുള്ള ആൺപുലിയുമാണ് കൂട്ടിലകപ്പെട്ടത്.
ഹൊങ്കഹള്ളിയില്‍ കഴിഞ്ഞദിവസം പുലി രണ്ട് പശുക്കളെ ആക്രമിച്ച് കൊന്നിരുന്നു. ഇതേത്തുടർന്നാണ് വനംവകുപ്പ് മേഖലയിൽ കൂടുകൾ സ്ഥാപിച്ചത്. അക്കലപുരയില്‍ കർഷകനായ സതീഷിന്റെ കൃഷിയിടത്തിൽ സ്ഥാപിച്ച കെണിയിലാണ് പുള്ളിപ്പുലി അകത്തായത്. 15 ദിവസം മുമ്പ് ഈ പുള്ളിപ്പുലി പ്രദേശത്ത് എത്തി കന്നുകാലികളെ കൊന്നിരുന്നു, പുലികളെ പിന്നീട് മൂലെഹൊള്ള വനത്തിലേക്ക് വിട്ടതായി ബന്ദിപ്പുർ ഫോറസ്റ്റ് കൺസർവേറ്റീവ് ഓഫീസർ എം. പ്രഭാകരൻ അറിയിച്ചു.
<BR>
TAGS :LEOPARD TRAPPED | MYSURU
SUMMARY : Two leopards caught in human settlements
