ബെംഗളൂരു: വീടുതോറുമുള്ള മാലിന്യ ശേഖരണത്തിന് ഉപയോക്തൃ ഫീസ് ഈടാക്കാനുള്ള ബെംഗളൂരു സോളിഡ് വേസ്റ്റ് മാനേജ്മെന്റ് ലിമിറ്റഡിന്റെ (ബിഎസ്ഡബ്ല്യൂഎംഎൽ) ദീർഘകാല നിർദ്ദേശത്തിന് സംസ്ഥാന സർക്കാർ അംഗീകാരം. ഏപ്രിൽ 1 മുതൽ മാലിന്യ ശേഖരണ ഫീസ് സ്വത്ത് നികുതിയിൽ ഉൾപ്പെടുത്താനാണ് നിർദേശം. വീടുതോറുമുള്ള മാലിന്യ ശേഖരണം, മാലിന്യം വേർതിരിക്കൽ, ശാസ്ത്രീയ നിർമാർജന സേവനങ്ങൾ എന്നിവ നൽകുന്നതിനാണ് ഫീസ് ഈടാക്കുന്നത്.
നേരത്തെ, വൈദ്യുതി ബില്ലുകളിൽ ഫീസ് ഉൾപ്പെടുത്താനായിരുന്നു പദ്ധതിയിട്ടിരുന്നത്. എന്നാൽ പിന്നീട് നിർദേശം മാറ്റിയിരുന്നു. വലിയ വാണിജ്യ സ്ഥാപനങ്ങൾ പോലുള്ള ബൾക്ക് മാലിന്യ ഉൽപ്പാദകരിൽ നിന്ന് കിലോയ്ക്ക് 12 രൂപ ഈടാക്കും. ഫീസിൽ നിന്നുള്ള വരുമാനം ബിബിഎംപിയുടെ വികസന പദ്ധതികൾക്കായാണ് ചെലവാക്കുക.
TAGS: BENGALURU | BBMP
SUMMARY: User fees for waste collection to be imposed from april
