ബെംഗളൂരു: ബെംഗളൂരുവിൽ പബ്ബുകളുടെ പ്രവർത്തനസമയം ദീർഘിപ്പിക്കും ഉപമുഖ്യമന്ത്രി ഡി. കെ. ശിവകുമാർ. പുലർച്ചെ ഒരു മണി വരെ പബ്ബുകൾ തുറന്ന് പ്രവർത്തിക്കാൻ അനുവദിക്കുന്നതിനെക്കുറിച്ച് ഇതിനോടകം ചർച്ച ചെയ്തിട്ടുണ്ടെന്നും ഇത് സംബന്ധിച്ചുള്ള ഔദ്യോഗിക ഉത്തരവ് ഉടൻ പുറത്തിറക്കുമെന്നും അദ്ദേഹം പറഞ്ഞു.
നിലവിലുള്ള മാനദണ്ഡങ്ങൾ പ്രകാരം, മൈക്രോ ബ്രൂവറികൾ ഉള്ള പബ്ബുകൾക്ക് രാവിലെ 10നും രാത്രി 11.30 നും ഇടയിൽ പ്രവർത്തിക്കാൻ അനുവാദമുണ്ട്. കഴിഞ്ഞ മൂന്ന് വർഷത്തിനിടെ രാത്രി 11.30ന് ശേഷം പ്രവർത്തിച്ചതിലൂടെ മാനദണ്ഡങ്ങൾ ലംഘിച്ചതിന് നഗരത്തിലെ പബ്ബുകൾക്കെതിരെ 11 കേസുകൾ രജിസ്റ്റർ ചെയ്തിട്ടുണ്ട്. ഇത് കാരണം പബ്ബുകൾക്ക് സാമ്പത്തിക നഷ്ടവും ഉണ്ടായിട്ടുണ്ട്. 2024-25 ലെ ബജറ്റിൽ ബെംഗളൂരുവിലെ വാണിജ്യ സ്ഥാപനങ്ങളുടെ പ്രവർത്തനം പുലർച്ചെ 1 മണി വരെ നീട്ടുമെന്ന് മുഖ്യമന്ത്രി സിദ്ധരാമയ്യ പ്രഖ്യാപിച്ചിരുന്നു. എന്നാൽ വിവിധ കാരണങ്ങൾ പബ്ബുകൾക്ക് പ്രവർത്തനസമയം നീട്ടി നൽകിയിരുന്നില്ല. ഇക്കാര്യം മുഖ്യമന്ത്രിയുമായി ചർച്ച ചെയ്തിട്ടുണ്ടെന്നും ഉടൻ തീരുമാനം ഉണ്ടാകുമെന്നും ശിവകുമാർ വ്യക്തമാക്കി.
TAGS: BENGALURU | PUB
SUMMARY: Will consider 1 am deadline for Bengaluru pubs, D K Shivakumar
