ഐപിഎൽ മത്സരങ്ങൾ; ബെംഗളൂരുവിൽ ഗതാഗത നിയന്ത്രണം

ബെംഗളൂരു: ബെംഗളൂരുവിൽ ഐപിഎൽ മത്സരങ്ങൾ നടക്കുന്നതിന്റെ പശ്ചാത്തലത്തിൽ നഗരത്തിലെ വിവിധയിടങ്ങളിൽ ഗതാഗത നിയന്ത്രണം ഏർപ്പെടുത്തിയതായി സിറ്റി ട്രാഫിക് പോലീസ് അറിയിച്ചു. എം. ചിന്നസ്വാമി സ്റ്റേഡിയത്തിൽ ഏപ്രിൽ 10, 18, 24, മെയ് 3, 13, 17 എന്നീ ദിവസങ്ങളിലാണ് ഐപിഎൽ മത്സരങ്ങൾ നടക്കുന്നത്. എല്ലാ മത്സര ദിവസങ്ങളിലും ഉച്ചകഴിഞ്ഞ് 3 മുതൽ പുലർച്ചെ 12 വരെ ഗതാഗത നിയന്ത്രണം ഏർപ്പെടുത്തും.

ക്വീൻസ് റോഡ്, എംജി റോഡ്, എംജി റോഡ് മുതൽ കബ്ബൺ റോഡ് വരെ, രാജ് ഭവൻ റോഡ്, സെൻട്രൽ സ്ട്രീറ്റ് റോഡ്, സെന്റ് മാർക്ക്സ് റോഡ്, മ്യൂസിയം റോഡ്, കസ്തൂർബ റോഡ്, അംബേദ്കർ വീഥി, ട്രിനിറ്റി ജംഗ്ഷൻ, ലാവെല്ലെ റോഡ്, വിറ്റൽ മല്യ റോഡ്, കിംഗ് സ്ട്രീറ്റ്, നൃപതുംഗ റോഡ് എന്നിവിടങ്ങളിലാണ് നിയന്ത്രണം.

സെന്റ് ജോസഫ്സ് ഇന്ത്യൻ സ്കൂൾ ഗ്രൗണ്ട്, യുബി സിറ്റി പാർക്കിംഗ് സ്ഥലം, ബിഎംടിസി – ടിടിഎംസി ഗ്രൗണ്ട്, ശിവാജിനഗർ, ഓൾഡ് കെജിഐഡി കെട്ടിടം, കിംഗ്സ് വേ (കബ്ബൺ പാർക്കിനുള്ളിൽ), സെന്റ് ജോസഫ്സ് ബോയ്‌സ് ഹൈസ്‌കൂൾ ബേസ്‌മെന്റ് എന്നിവിടങ്ങളിൽ വാഹനങ്ങൾക്ക് പാർക്കിംഗ് അനുവദിക്കും.

TAGS: BENGALURU | TRAFFIC RESTRICTED
SUMMARY: Traffic restricted in city amid ipl match