ബെംഗളൂരു: പഹൽഗാം ഭീകരക്രമണത്തിൽ കൊല്ലപ്പെട്ടവരിൽ ബെംഗളൂരു സ്വദേശിയും. വിനോദസഞ്ചാരിയായ ഭരത് ഭൂഷൺ ആണ് കൊല്ലപ്പെട്ടത്. ഭാര്യയ്ക്കും കുട്ടിയ്ക്കുമൊപ്പം അവധിക്കാലം ആഘോഷിക്കാനായി കശ്മീരിൽ എത്തിയതായിരുന്നു ഭരത്. ആക്രമണം നടന്നപ്പോൾ ഭരത് രക്ഷപ്പെടാൻ ശ്രമിച്ചെങ്കിലും തീവ്രവാദികൾ വെടിയുതിർത്തു.
ഭരത് കുടുംബത്തോടൊപ്പം വെള്ളിയാഴ്ചയാണ് കശ്മീരിലേക്ക് എത്തിയത്. വ്യാഴാഴ്ച ഉച്ചയ്ക്ക് ബെംഗളൂരുവിലെക്ക് തിരിച്ചെത്തേണ്ടതായിരുന്നു. സുന്ദർ നഗറിലായിരുന്നു താമസം. സഹോദരൻ വിനയും സഹോദരീഭർത്താവ് ജമ്മുവിലേക്ക് തിരിച്ചിട്ടുണ്ട്. സംഭവത്തെക്കുറിച്ച് പ്രതികരിച്ച മുഖ്യമന്ത്രി സിദ്ധരാമയ്യ, സംസ്ഥാനത്തെ മുതിർന്ന ഉദ്യോഗസ്ഥരുമായി അടിയന്തര യോഗം ചേർന്നതായും, പ്രതിരോധ പ്രവർത്തനങ്ങൾ ഏകോപിപ്പിക്കുന്നതിനായി ജമ്മു കശ്മീരിലേക്ക് ഒന്നിലധികം സംഘങ്ങളെ അയച്ചതായും പറഞ്ഞു.
TAGS: BENGALURU | TERROR ATTACK
SUMMARY: Bengaluru native killed in Pahalgam terror attack
