ബെംഗളൂരു: ഹെബ്ബാൾ മേൽപ്പാലം അടുത്ത നാല് ദിവസത്തേക്ക് മൂന്ന് മണിക്കൂർ നേരം ഭാഗികമായി അടച്ചിടും. കെആർ പുര ഭാഗത്തു നിന്ന് മേഖ്രി സർക്കിളിലേക്കുള്ള അധിക റാമ്പ് നിർമ്മാണത്തിനായാണിത്. മെയ് 21 വരെ അടുത്ത എല്ലാ ദിവസവും മൂന്ന് മണിക്കൂർ നേരത്തേക്ക് മേൽപ്പാലം ഭാഗികമായി അടച്ചിടുമെന്ന് സിറ്റി ട്രാഫിക് പോലീസ് അറിയിച്ചു. പുലർച്ചെ 12 മുതൽ 3 വരെയാണ് അടച്ചിടുക.
ഈ സമയം എസ്റ്റീം മാളിൽ നിന്ന് മേഖ്രി സർക്കിളിലേക്കുള്ള ഗതാഗതം അനുവദിക്കില്ല. റെയിൽവേ ട്രാക്കുകളിൽ നിന്ന് 33.5 മീറ്റർ ഉയരത്തിൽ ഏഴ് സ്റ്റീൽ ഗർഡറുകൾ കൂടി പാതയിൽ സ്ഥാപിക്കുന്നുണ്ട്. കെംപെഗൗഡ അന്താരാഷ്ട്ര വിമാനത്താവളത്തിൽ നിന്ന് മേഖ്രി സർക്കിളിലേക്ക് പോകുന്ന വാഹനങ്ങൾ എസ്റ്റീം മാളിന് സമീപമുള്ള സർവീസ് റോഡിലൂടെ ഇടത്തേക്ക് പോയി ഔട്ടർ റിംഗ് റോഡിലേക്ക് പോകണം. തുമകുരുവിലേക്ക് പോകേണ്ട വാഹനങ്ങൾ ഇതേ റൂട്ടിൽ വലത്തേക്ക് തിരിയണം. തുടർന്ന് കൂവെമ്പ് സർക്കിളിൽ വീണ്ടും ഇടത്തേക്ക് തിരിഞ്ഞ് ന്യൂ ബിഇഎൽ റോഡ് വഴി കടന്നുപോകണമെന്നും ട്രാഫിക് പോലീസ് നിർദേശിച്ചു.
TAGS: BENGALURU | TRAFFIC RESTRICTED
SUMMARY: Hebbal flyover to be closed for 3 hours for five days from Sunday midnight
