ബെംഗളൂരു: കർണാടക മാമ്പഴ വികസന കോർപ്പറേഷൻ സംഘടിപ്പിക്കുന്ന മാമ്പഴ ചക്കപ്പഴം മേളയ്ക്ക് ഇന്ന് ലാൽബാഗിൽ തുടക്കം. രാവിലെ 11ന് മുഖ്യമന്ത്രി സിദ്ധരാമയ്യ ഉദ്ഘാടനം ചെയ്യും. രാവിലെ 9 മുതൽ വൈകിട്ട് 6 വരെയാണ് മേള നടക്കുന്നത്. ഒരു മാസം നീണ്ടു നിൽക്കുന്ന മേളയിൽ വിവിധ ജില്ലകളിൽ നിന്നുള്ള കർഷകർക്ക് നേരിട്ട് മാമ്പഴം വിൽക്കുന്നതിന് സ്റ്റാളുകൾ ഒരുക്കിയിട്ടുണ്ട്.
മാമ്പഴ കർഷകർക്കായി ഏകദേശം 80 സ്റ്റാളുകളും ചക്ക കർഷകർക്കായി 10 സ്റ്റാളുകളും അനുവദിച്ചിട്ടുണ്ട്. 45-50 ഇനം മാമ്പഴങ്ങൾ പ്രദർശിപ്പിക്കുമെങ്കിലും, ഏകദേശം 12 ഇനങ്ങൾ മാത്രമേ വിൽപ്പനയ്ക്ക് ലഭ്യമാകൂ. അങ്കോളയിൽ നിന്നുള്ള വിലയേറിയ കരി ഇഷാദ് മാമ്പഴങ്ങളും ചന്ദ്ര, സിദ്ദു, തൂഗിരെ എന്നി ചക്ക ഇനങ്ങളും മേളയില്‍ ലഭ്യമാണ്.
<BR>
TAGS ; MANGO JACKFRUIT FESTIVAL
SUMMARY : Mango and jackfruit festival begins today at Lalbagh
