ബെംഗളൂരു: ബെംഗളൂരു കെംപെഗൗഡ രാജ്യാന്തര വിമാനത്താവളം വഴി കടത്താൻ ശ്രമിച്ച ഒമ്പത് കിലോ സ്വർണം പിടികൂടി. ബാങ്കോക്കിൽ നിന്ന് ബെംഗളൂരുവിലെക്കുള്ള തായ് എയർവേയ്സ് വിമാനത്തിലാണ് 6.29 കോടി രൂപ വിലമതിക്കുന്ന സ്വർണം കടത്താൻ ശ്രമിച്ചത്.
രഹസ്യ സൂചനയുടെ അടിസ്ഥാനത്തിൽ ഡിപ്പാർട്ട്മെൻ്റ് ഓഫ് റവന്യൂ ഇൻ്റലിജൻസ് (ഡിആർഐ) ആണ് സ്വർണം പിടികൂടിയത്. വിമാനത്തിൽ ഉപേക്ഷിച്ച ഹാൻഡ് ബാഗിനുള്ളിൽ ഒളിപ്പിച്ച നിലയിൽ ബാർ രൂപത്തിലും ക്രൂഡ് രൂപത്തിലുമായി 6.834 കിലോഗ്രാം സ്വർണം കണ്ടെടുത്തതെന്ന് ഡിആർഐ ഉദ്യോഗസ്ഥർ പറഞ്ഞു.
ഹാൻഡ്ബാഗിനുള്ളിൽ നിന്ന് കണ്ടെത്തിയ രേഖകളുടെ അടിസ്ഥാനത്തിൽ, വിമാനത്തിൽ ബാഗുകൾ ഉപേക്ഷിച്ച രണ്ട് യാത്രക്കാരെ പിന്നീട് അറസ്റ്റ് ചെയ്തു. വിശദമായ ചോദ്യം ചെയ്യലിന് ശേഷം വിമാനത്തിനുള്ളിൽ ഒളിപ്പിച്ച സ്വർണം തങ്ങളുടേതാണെന്ന് യാത്രക്കാർ സ്വീകരിച്ചതായി ഉദ്യോഗസ്ഥർ പറഞ്ഞു. സംഭവത്തിൽ വിശദ അന്വേഷണം പുരോഗമിക്കുകയാണ്.
KEYWORDS: Gold seized trying tl smuggle through bengaluru airport
