സ്വര്‍ണത്തിന് വീണ്ടും വില വര്‍ധിച്ചു

തിരുവനന്തപുരം: കേരളത്തില്‍ സ്വര്‍ണത്തിന് വീണ്ടും വില വര്‍ധിച്ചു. ഒറ്റയടിക്കാണ് സ്വര്‍ണത്തിന് വില വര്‍ധിച്ചിരിക്കുന്നത്. ഇന്ന് ഗ്രാമിന് 70 രൂപ വര്‍ധിച്ച്‌ 7,160 രൂപയും പവന് 560 രൂപ ഉയര്‍ന്ന് 57,280 രൂപയുമായി. ഇന്നലെ ഒരു ദിവസത്തെ നേരിയ ഇടിവിനു ശേഷമാണ് സ്വര്‍ണം വീണ്ടും കുതിപ്പിന്റെ പാതയിലേക്ക് തിരിച്ചെത്തുന്നത്.

കഴിഞ്ഞ ദിവസം 120 രൂപയായിരുന്നു ഒരു പവന്‍ സ്വര്‍ണത്തിന് കുറഞ്ഞത്. ഇതോടെ നവംബര്‍ 28ലെ ഒരു പവന്‍ സ്വര്‍ണത്തിന്റെ വില 56,720 രൂപയിലെത്തി. 7,090 രൂപയിലായിരുന്നു ഒരു ഗ്രാം സ്വര്‍ണത്തിന്റെ വ്യാപാരം നടന്നത്.

18 കാരറ്റ് സ്വര്‍ണ വിലയും ഇന്ന് ഉയര്‍ന്നു. ഗ്രാമിന് 20 രൂപ ഉയര്‍ന്ന് 5,870 രൂപയിലാണ് ഇന്നത്തെ വ്യാപാരം. രണ്ടു ദിവസമായി അനക്കമില്ലാതിരുന്ന വെള്ളി വിലയും മുന്നോട്ടാണ്. ഗ്രാമിന് ഒരു രുപ കൂടി 97 രൂപയിലെത്തി.

TAGS : GOLD RATES
SUMMARY : Gold rate is increased