ഹൈദരാബാദ്: തിരുപ്പതി തിരുമല വെങ്കടേശ്വര ക്ഷേത്രത്തില് തിക്കിലും തിരക്കിലും പെട്ട് ആറ് മരണം. നിരവധി പേര്ക്ക് പരിക്കേറ്റു. ബുധനാഴ്ച സന്ധ്യയോടെയാണ് സംഭവം. വൈകുണ്ഠ ഏകാദശിയോടനുബന്ധിച്ച് വൈകുണ്ഠദ്വാര ദര്ശനത്തിന്റെ ടോക്കണ് വിതരണ കൗണ്ടറിന് മുമ്പിലാണ് തിക്കും തിരക്കുമുണ്ടായത്. കൂപ്പണ് വിതരണ കൗണ്ടറിന് മുന്നിലേക്ക് ആളുകള് ഇടിച്ചു കയറിയതോടെയാണ് അപകടമുണ്ടായത്. തിരക്ക് നിയന്ത്രിക്കാൻ കഴിയാതെ വന്നതോടെയാണ് അപകടമുണ്ടായത്.
തിരക്കിൽ പെട്ട് ആളുകള് സ്ഥലത്ത് നിന്ന് പരിഭ്രാന്തരായി ഓടുന്നതിന്റെ ദൃശ്യങ്ങളും പുറത്തുവന്നു. പോലീസ് ആള്ക്കൂട്ടത്തെ തടഞ്ഞെങ്കിലും തിരക്ക് നിയന്ത്രണാധീതമായിരുന്നു.
#AndhraPradesh: A tragic stampede broke out at Vishnu Nivasam in #Tirupati during the issuance of Vaikunthadwara Sarvadarshan tokens.
The sudden surge of devotees led to chaos, resulting in the deaths of three individuals, including a devotee from Salem, #TamilNadu. Four other… pic.twitter.com/CpnXpRJuXn
— South First (@TheSouthfirst) January 8, 2025
നാളെ രാവിലെ മുതൽ ആരംഭിക്കുന്ന കൂപ്പണ് വിതരണത്തിന് ഇന്ന് തന്നെ അവിടെ ആയിരകണക്കിന് പേരാണ് എത്തിയത്. രാത്രി തന്നെ ആളുകൾ വന്ന് ക്യൂവിൽ നിൽക്കാറുണ്ട്. രാത്രി ക്യൂവിലേക്ക് ആളുകളെ കടത്തി വിട്ട് തുടങ്ങിയപ്പോൾ ആണ് ഉന്തും തള്ളും തിരക്കും ഉണ്ടായത്.സ്ഥലത്ത് ഇപ്പോഴും തിരക്ക് നിയന്ത്രണ വിധേയമായിട്ടില്ല. കൃത്യമായ തിക്കും തിരക്കും നിയന്ത്രിക്കാൻ സംവിധാനം ഉണ്ടായിരുന്നില്ല. ദുരന്തമുണ്ടായതിന് പിന്നാലെ ആളുകള് പരിഭ്രാന്തരായി ഓടുന്ന സാഹചര്യമാണുള്ളത്. മരിച്ചവരിൽ മൂന്നു പേര് സ്ത്രീകളാണ്. ഇവരിൽ ഒരാള് തമിഴ്നാട് സേലം സ്വദേശിനിയാണെന്ന് തിരിച്ചറിഞ്ഞിട്ടുണ്ട്. സേലം സ്വദേശി മല്ലികയാണ് മരിച്ചവരിൽ ഒരാള്.
Who is gonna take responsibility of those 6 lives …#Tirupati #TirupatiStampede pic.twitter.com/iUNjBZPAnC
— Sukkumarkk (@StrictlyAsking) January 8, 2025
സംഭവത്തില് ആന്ധ്രാപ്രദേശ് മുഖ്യമന്ത്രി ചന്ദ്രബാബു നായിഡു നടുക്കം രേഖപ്പെടുത്തി. പരിക്കേറ്റവര്ക്ക് ആവശ്യമായ ചികിത്സ ഉറപ്പാക്കാന് മുഖ്യമന്ത്രി നിര്ദേശിച്ചതായി അധികൃതര് അറിയിച്ചു. ഉയര്ന്ന ഉദ്യോഗസ്ഥരോട് സംഭവസ്ഥലത്തേക്ക് പോകാനും ആവശ്യമായ ആശ്വാസനടപടികള് സ്വീകരിക്കാനും മുഖ്യമന്ത്രി നിര്ദേശിച്ചു.
<BR>
TAGS : STAMPEDE | THIRUPATI
SUMMARY : 6 dead, many injured in stampede at Tirupati temple ticket counter
