വ്യാജ അപകടങ്ങളുണ്ടാക്കി പണം തട്ടിപ്പ്; മുന്നറിയിപ്പ് നൽകി ബെംഗളൂരു പോലീസ്

ബെംഗളൂരു: വ്യാജ അപകടങ്ങളുണ്ടാക്കി പണം തട്ടിപ്പ് നടത്തുന്നവർക്കെതിരെ മുന്നറിയിപ്പ് നൽകി ബെംഗളൂരു സിറ്റി പോലീസ്. കാറിന് മുൻപിൽ ബോധപൂർവം ചാടി അപകടമുണ്ടാക്കാൻ ശ്രമിച്ച യുവാവിന്റെ ദൃശ്യങ്ങൾ സമൂഹ മാധ്യമങ്ങളിൽ പ്രചരിച്ചതിനെ തുടർന്നാണിത്. കെആർ പുരത്ത് കഴിഞ്ഞ ദിവസമാണ് സംഭവം.

അധികം തിരക്കില്ലാത്ത റോഡിലൂടെ കടന്നുപോയ കാറിലെ ഡാഷ്‌ക്യാം ദൃശ്യങ്ങളാണ് പുറത്തുവന്നിരുന്നത്. റോഡ് മുറിച്ചുകടന്ന യുവാവ് മനപൂർവം കാറിന് മുൻപിൽ വീണ് അപകടം ഉണ്ടായെന്ന് വരുത്തി തീർക്കാൻ ശ്രമിക്കുകയായിരുന്നു. ഇതേസമയം, കാറിന് മുൻപിലൂടെ വന്ന ബൈക്കിലുളള യുവാക്കൾ ഡ്രൈവറോട് വാഹനം നിർത്താൻ ആവശ്യപ്പെടുകയും അപകടത്തിൽപ്പെട്ട യുവാവിന് നഷ്ടപരിഹാരം നൽകണമെന്നും ആവശ്യപ്പെട്ടു.

തുടർന്നാണ് ഡ്യാഷ് ക്യാം ദൃശ്യങ്ങളിൽ നിന്ന് സത്യാവസ്ഥ മനസിലായത്. ഇത്തരത്തിലുളള തട്ടിപ്പിന്റെ ആശങ്കകൾ വർധിക്കുകയാണെന്ന് പോലീസ് പറഞ്ഞു. പോലീസ് ഇതിനെതിരെ കർശന നടപടി സ്വീകരിക്കുമെന്ന് സിറ്റി പോലീസ് മേധാവി ബി. ദയാനന്ദ പറഞ്ഞു. അതേസമയം, എല്ലാ വാഹനങ്ങളിലും ഡാഷ് ക്യാം ഉറപ്പായും ഘടിപ്പിച്ചിരിക്കണമെന്നും അദ്ദേഹം പറഞ്ഞു.

Oscar worthy scam, but Dashcam stole the show

Staged accident in #Bengaluru caught on dashcam, shows a man deliberately falling in front of a moving car, trying to fake an accident. Moments later, a group of bikers approached the driver, appearing to back the scam. Thankfully… pic.twitter.com/PIbhrAfGWw

— Nabila Jamal (@nabilajamal_) January 31, 2025

TAGS: BENGALURU | ACCIDENT
SUMMARY: Man fakes accident at kr puram, police warms