ഡൽഹി: വഖഫ് ഭേദഗതി ബില്ലിനെ ചോദ്യം ചെയ്ത് കോണ്ഗ്രസ് സുപ്രീംകോടതിയെ സമീപിക്കും. ബില്ലിനെ നിയമപരമായി നേരിടുമെന്നും ഉടന് തന്നെ നിയമഭേദഗതിക്കെതിരെ സുപ്രീംകോടതിയില് ഹര്ജി സമര്പ്പിക്കുമെന്നും എഐസിസി ജനറല് സെക്രട്ടറി ജയ്റാം രമേശ് എക്സില് കുറിച്ചു. 13 മണിക്കൂർ നീണ്ട മാരത്തോണ് ചർച്ചകള്ക്കൊടുവിലാണ് വോട്ടിനിട്ട് വഖഫ് ഭേദഗതി ബില് രാജ്യസഭയില് പാസാക്കിയത്.
ഇന്നലെ ഉച്ചയ്ക്ക് ഒരു മണിക്ക് ആരംഭിച്ച ചർച്ച പ്രതിപക്ഷ-ഭരണ പക്ഷ അംഗങ്ങളുടെ പോരാട്ട വേദികൂടിയായി മാറി. 125 വോട്ട് പ്രതീക്ഷിച്ചിരുന്ന ഭരണകക്ഷിക്ക് മൂന്ന് വോട്ട് അധികം ലഭിച്ചു. രാജ്യസഭയില് ഇന്ഡ്യ മുന്നണിക്ക് 88 അംഗങ്ങളാണ് എന്നിരിക്കെ ഏഴ് വോട്ട് അധികമായി നേടി. പ്രതിപക്ഷ കൂട്ടായ്മ യുടെ കരുത്ത് കൂടിയാണ് തെളിഞ്ഞത്. സോണിയഗാന്ധിയും മല്ലികാർജുന ഖാർഗ ഉള്പ്പെടെയുള്ളവർ വോട്ട് ചെയ്തു.
TAGS : WAQF BILL
SUMMARY : Congress moves Supreme Court challenging Waqf Bill
