ബെംഗളൂരു: സംസ്ഥാനത്ത് പെയ്യുന്ന അതിശക്തമായ മഴയെ തുടർന്ന് ഉഡുപ്പിയിൽ മൂന്ന് വീടുകൾ ഭാഗികമായി തകർന്നുവീണു. കഴിഞ്ഞ 24 മണിക്കൂറിനുള്ളിൽ ജില്ലയിൽ കനത്ത മഴയാണ് പെയ്യുന്നത്. നിരവധി റോഡുകളിൽ വെള്ളം കയറി. ഉഡുപ്പി താലൂക്കിലെ മൂഡുബൈലു-ബെല്ലാമ്പള്ളി ഗ്രാമത്തിലെ നിരവധി വീടുകൾക്ക് കേടുപാടുകൾ സംഭവിച്ചു. തടാകങ്ങൾ കരകവിഞ്ഞതിനാൽ റോഡുകളിലേക്ക് വെള്ളം കയറുകയും പാലങ്ങൾ വെള്ളത്തിനടിയിലാകുകയും ചെയ്തു.
വൈദ്യുതി തൂണുകൾ തകർന്നുവീണതിനാൽ നിരവധിയിടങ്ങളിൽ വൈദ്യുതി തടസപ്പെട്ടു. അതേസമയം, ദക്ഷിണ കന്നഡ, ഉഡുപ്പി ജില്ലകളിൽ തിങ്കളാഴ്ചയും ഇടിമിന്നലോടുകൂടിയ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം (ഐഎംഡി) അറിയിച്ചു. മംഗളൂരുവിലും ഒറ്റപ്പെട്ട ശക്തമായ മഴ ലഭിച്ചേക്കും. മെയ് 1 വരെ ദക്ഷിണ തീരദേശ കർണാടക ജില്ലകളിൽ നേരിയതോ മിതമായതോ ആയ മഴയും ഇടിമിന്നലും ഉണ്ടാകാൻ സാധ്യതയുണ്ടെന്നും ഐഎംഡി അറിയിച്ചു.
TAGS: KARNATAKA | RAIN
SUMMARY: Houses in udupi damaged amid heavy rain
