ന്യൂഡൽഹി: പാകിസ്ഥാനെ ഇന്ത്യ വിശ്വസിക്കരുതെന്ന് ബലൂച് ലിബറേഷന് ആര്മി (ബി.എല്.എ). പാകിസ്ഥാന് എതിരായി ഇന്ത്യ സ്വീകരിക്കുന്ന ഭീകരവിരുദ്ധ നടപടികള്ക്ക് പൂര്ണ പിന്തുണ നല്കുമെന്നും ബി.എല്.എ പറഞ്ഞു. ഇന്ത്യ പാകിസ്താനെ ആക്രമിക്കുകയാണെങ്കില് പടിഞ്ഞാറന് അതിര്ത്തിയില് നിന്ന് പാകിസ്ഥാനെ നേരിട്ടോളാമെന്നാണ് ബിഎല്എയുടെ വാര്ത്താക്കുറിപ്പില് പറയുന്നു. പാകിസ്ഥാന്റെ ഉറപ്പുകള് വിശ്വസിക്കേണ്ട കാലം കടന്നുപോയെന്നും ബി.എല്.എ പറഞ്ഞു.
സമാധാനം, സാഹോദര്യം, വെടിനിര്ത്തല് ഇവയെക്കുറിച്ചെല്ലാം പാകിസ്ഥാന് പറയുന്നത് വിശ്വസിക്കരുത്. അതെല്ലാം യുദ്ധതന്ത്രങ്ങളും വഞ്ചനയും താൽക്കാലികമായ ഒഴിഞ്ഞുമാറലുമാണെന്നും ബി.എല്.എ പ്രസ്താവിച്ചു.
Baloch Liberation Army Pledges Support to India
In a powerful statement, BLA says if India strikes Pakistan, it will launch attacks from the western front
The group calls itself an independent national force — not a proxy — and labels Pakistan a "terrorist state" for… pic.twitter.com/CHDp18FGFx
— Nabila Jamal (@nabilajamal_) May 11, 2025
ബലൂചിസ്താൻ പ്രത്യേക പ്രവിശ്യക്ക് സ്വയം ഭരണാവകാശം വേണമെന്ന ആവശ്യം ഉന്നയിക്കുന്ന സംഘടനയാണ് ബി.എല്.എ. ഇന്ത്യ- പാകിസ്ഥാന് സംഘര്ഷ സാഹചര്യം പരമാവധി ഉപയോഗിച്ച് പാകിസ്ഥാന് ആര്മിക്ക് നേരെ നിരവധി ആക്രമണങ്ങളാണ് കഴിഞ്ഞ ആഴ്ച ബിഎല്എ നടത്തിയത്. പാകിസ്ഥാന് ആര്മി സൈറ്റുകളും ഇന്റലിജന്സ് കേന്ദ്രങ്ങളും ഉള്പ്പെടെ ലക്ഷ്യം വച്ച് തങ്ങള് 71 ആക്രമണങ്ങള് നടത്തിയെന്നും ഇതില് 51 പ്രദേശങ്ങളും ബലൂചിസ്ഥാനിലാണെന്നുമാണ് ബി.എല്.എയുടെ അവകാശവാദം. അതേസമയം ഒരു വിഘടനവാദി സംഘടനയാണെന്ന വാദം പൂര്ണമായി തള്ളുന്ന ബി.എല്.എ തങ്ങള് ബലൂചിന്റെ നല്ല ഭാവിയ്ക്ക് വേണ്ടി പ്രവര്ത്തിക്കുന്ന ശക്തമായ പാര്ട്ടിയെന്നാണ് സ്വയം വിശേഷിപ്പിക്കുന്നത്.
<br>
TAGS : BALOCH LIBERATION ARMY | INDIA PAKISTAN CONFLICT
SUMMARY : India should not trust Pakistan, full support for India’s anti-terror measures: Baloch Liberation Army
WhatsApp
Telegram
