കോഴിക്കോട്: മുഖ്യമന്ത്രി പിണറായി വിജയന്‍റെ വാഹനവ്യൂഹത്തെ പിന്തുടർന്ന അഞ്ചംഗ സംഘം കോഴിക്കോട് പിടിയില്‍. നമ്പരില്ലാത്ത കാറില്‍ സഞ്ചരിച്ച അഞ്ചുപേരാണ് ഇന്നലെ രാത്രിയില്‍ പിടിയിലായത്. മലപ്പുറം സ്വദേശികളെയാണ് നടക്കാവ് പോലീസ് അറസ്റ്റ് ചെയ്തത്.
അതേസമയം വിശദമായ അന്വേഷണത്തില്‍ ഇവര്‍ ഇവൻ്റ് മാനേജ്മെൻ്റ് ജീവനക്കാരാണെന്ന് പോലീസ് കണ്ടെത്തി. വേഗത്തില്‍ പോകാൻ മുഖ്യമന്ത്രിയുടെ വാഹനവ്യൂഹത്തിന് പിന്നാലെ വന്നതെന്നാണ് പോലീസ് നിഗമനം. കാറില്‍ നിന്ന് വാക്കിടോക്കിയും പോലീസ് കണ്ടെത്തിയിരുന്നു. വാക്കി ടോക്കി ഇവൻ്റ് മാനേജ്മെൻ്റ് സംഘത്തിൻ്റേതെന്നും പോലീസ് കണ്ടെത്തി. അറസ്റ്റിലായ യുവാക്കളെ പിന്നീട് പോലീസ് സ്റ്റേഷൻ ജാമ്യത്തില്‍ വിട്ടയച്ചു.
SUMMARY: CM’s convoy was followed in a car without number plates; 5 people arrested
