കേരളീയം ഭാരവാഹികള്‍ 

ബെംഗളൂരു: നാഗസാന്ദ്ര പ്രെസ്റ്റീജ് ജിൻഡൽസിറ്റി പാർപ്പിട സമുച്ചയത്തിലെ മലയാളി കൂട്ടായ്മയായ കേരളീയത്തിന്റെ വാർഷിക പൊതുയോഗവും കുടുംബ സംഗമവും അപാർട്മെന്റ് സമുച്ചയത്തിലെ സിറ്റി ക്ലബ്ബിൽ വെച്ച് നടന്നു ഡോ ജിമ്മി തോമസിന്റെ അധ്യക്ഷതയിൽ  ജനറൽ സെക്രട്ടറി രാജേഷ് വെട്ടംതൊടി കഴിഞ്ഞ വർഷത്തെ പ്രവർത്തന റിപ്പോർട്ടും ഖജാൻജി ജോബിൻ അഗസ്റ്റിൻ വരവുചെലവ് കണക്കുകളും അവതരിപ്പിച്ചു.

അടുത്ത രണ്ടു വർഷത്തേക്കുള്ള ഓഫീസ് ഭാരവാഹികളേയും പ്രവർത്തക സമിതി അംഗങ്ങളെയും യോഗം തെരഞ്ഞെടുത്തു.
പുതിയ അധ്യക്ഷനായി രാജേഷ് വെട്ടംതൊടി, ഉപാധ്യക്ഷൻ സഹീർ അബ്ബാസ്, ജനറൽ സെക്രട്ടറി ലിജോഷ് ജോസ്, ജോയിന്റ് സെക്രട്ടറി ബിന്ദു. പി, ഖജാൻജി ഡോ. ചിൻ്റു എസ് കുമാർ, പ്രവർത്തക സമിതി അംഗങ്ങളായി അരുൺ റാം, ഡോ. ദർശന എസ് കുമാർ, ഡോ ലക്ഷ്മി പൂയത്ത്, ഹരീഷ് ഭാസ്കരൻ, ഇർഫാന റോക്കി, ജോബിൻ അഗസ്റ്റിൻ, ക്യാപ്റ്റൻ മധുസൂദൻ, നിമ്മി വത്സൻ, പ്രസാദ് സി പി, പ്രകാശ് എ എൻ എന്നിവരെ യോഗം തിരഞ്ഞെടുത്തു. പ്രസാദ് സി പി നന്ദി പറഞ്ഞു. അംഗങ്ങള്‍ അവതരിപ്പിച്ച വിവിധ കലാപരിപാടികളോട് കൂടി യോഗം അവസാനിച്ചു.

SUMMARY: Keraleeyam office bearers