മലിനജലം കുടിച്ച് 3 മരണം; 5 പേർ ആശുപത്രിയിൽ

ബെംഗളൂരു: കർണാടകയിലെ യാദ്ഗിറിൽ മലിനജലം കുടിച്ച് 3 പേർ മരിച്ചു. 5 പേർ ആശുപത്രിയിൽ ചികിത്സയിലാണ്. യാദ്ഗിർ ജില്ലയിലെ തിപ്പാനദഗി ഗ്രാമത്തിലാണ് സംഭവം. വയറിളക്കവും ഛർദിയും അനുഭവപ്പെട്ടതോടെ ഗ്രാമവാസികൾ ആശുപത്രിയിൽ ചികിത്സ തേടുകയായിരുന്നു. ഗ്രാമത്തിലേക്കു കുടിവെള്ളം എത്തിക്കുന്ന പൈപ്പിൽ മാലിന്യം കലർന്നതാണ് അപകടത്തിനു കാരണമെന്നാണ് വിവരം. ആശുപത്രിയിൽ കഴിയുന്നവരുടെ നില മെച്ചപ്പെട്ടതായി ജില്ലാ മെഡിക്കൽ ഓഫിസർ അറിയിച്ചു.

SUMMARY: Three dead, five hospitalised due to the consumption of contaminated water in Yaddgir.