ബെംഗളൂരു: ഹെബ്ബാൾ ജംക്ഷന്റെ സമഗ്രവികസനത്തിനു പദ്ധതിയുമായി ബിബിഎംപി. നമ്മ മെട്രോ, സബേർബൻ റെയിൽ, തുരങ്ക റോഡ് പദ്ധതികൾ കൂടി കണക്കിലെടുത്ത് ജംക്ഷന്റെ സമഗ്ര വികസനം ഉറപ്പാക്കുന്ന പദ്ധതിക്കു രൂപം നൽകാൻ ഉദ്യോഗസ്ഥർക്കു ബിബിഎംപി ചീഫ് കമ്മിഷണർ എം. മഹേശ്വർ റാവു നിർദേശം നൽകി.
തിങ്കളാഴ്ച ബിബിഎംപിയും ബെംഗളൂരു പൊലീസും സംയുക്തമായി നടത്തിയ പരിശോധനയിൽ ഗതാഗത കുരുക്കഴിക്കാനും കാൽനടയാത്രക്കാരുടെ സുരക്ഷ ഉറപ്പാക്കാനും സ്വീകരിക്കേണ്ട നടപടികൾ കണ്ടെത്തിയിരുന്നു. മെട്രോ, സബേർബൻ നിർമാണത്തിനു പുറമെ ബെംഗളൂരു വികസന അതോറിറ്റിയുടെ നേതൃത്വത്തിൽ കെആർപുരവുമായി ബന്ധിപ്പിക്കുന്ന മേൽപാലത്തിന്റെ പണിയും ഇവിടെ പുരോഗമിക്കുകയാണ്.
നിർമാണ പ്രവർത്തനങ്ങൾ ജംക്ഷനിലൂടെയുള്ള യാത്ര ദുഷ്കരമാക്കിയതായും സുരക്ഷ ഉറപ്പാക്കാൻ മുൻകരുതലുകൾ സ്വീകരിക്കാൻ ഉദ്യോഗസ്ഥർക്കു നിർദേശം നൽകിയതായും മഹേശ്വർ റാവു വ്യക്തമാക്കി.
SUMMARY: BBMP to draft integrated development plan for Hebbal Junction.
WhatsApp
Telegram
