ബെംഗളൂരു: ലാൽബാഗ് തടാകത്തിൽ 21 കാരിയായ യുവതിയെ മരിച്ച നിലയിൽ കണ്ടെത്തി. നേപ്പാളി സ്വദേശിയും സർജാപൂരിൽ താമസക്കാരിയുമായ ജെനിഷ നാഥ് ആണ് മരിച്ചത്. ശനിയാഴ്ച രാവിലെ 6.30 ഓടെ ലാൽബാഗിലെ സുരക്ഷാ ജീവനക്കാരാണ് തടാകത്തില്‍ മൃതദേഹം കണ്ടത്. തുടർന്ന് പോലീസിനെ വിവരം അറിയിക്കുകയായിരുന്നു. പോലീസും അഗ്നിരക്ഷാസേന ഉദ്യോഗസ്ഥരും ചേർന്നാണ് മൃതദേഹം പുറത്തെടുത്തത്‌.
നഗരത്തിലെ ഒരു അപ്പാർട്ട്മെന്റിൽ സെക്യൂരിറ്റി ഗാർഡ് ആയി ജോലി ചെയ്യുന്ന നവനാഥ് രാജ് ആണ് ജെനിഷയുടെ ഭർത്താവ്. ഒരാഴ്ച മുമ്പ് ദമ്പതികൾക്ക് ഒരാൺകുഞ്ഞ് ജനിച്ചിരുന്നു. കുഞ്ഞിന് കരൾ സംബന്ധമായ ആരോഗ്യപ്രശ്നങ്ങൾ ഉണ്ടെന്ന് അറിഞ്ഞതിനെ തുടർന്ന് ജെനിഷ അസ്വസ്ഥയായിരുന്നു. വിക്ടോറിയ ആശുപത്രി വളപ്പിലുള്ള വാണിവിലാസ് ആശുപത്രിയിലായിരുന്ന ജെനിഷ ശനിയാഴ്ച പുലര്‍ച്ചെ അവിടെനിന്നും രക്ഷപ്പെടുകയും പിന്നീട് ലാല്‍ ബാഗില്‍ എത്തുകയുമായിരുന്നു. പ്രസവാനന്തര വിഷാദത്തെ തുടർന്നാണ് ജീവനൊടുക്കിയത് എന്നാണ് പോലീസ് നിഗമനം. മൃതദേഹം മോര്‍ച്ചറിയിലേക്ക് മാറ്റി.
▪️ ആത്മഹത്യ ഒരു പ്രശ്നത്തിനും പരിഹാരമല്ല. നിങ്ങൾക്ക് എന്തെങ്കിലും തരത്തിലുള്ള വിഷമമുണ്ടെങ്കിൽ ദയവായി മാനസികാരോഗ്യ വിദഗ്ധരുടെ സഹായം തേടുക.
Karnataka: Sahai (24-hour): 080 65000111, 080 65000222
Tamil Nadu: State health department’s suicide helpline: 104
Sneha Suicide Prevention Centre: 044-24640050 (listed as the sole suicide prevention helpline in Tamil Nadu)
Andhra Pradesh: Life Suicide Prevention: 78930 78930, Roshni : 9166202000, 9127848584
Kerala: Maithri: 0484 2540530, Chaithram: 0484 2361161(Both are 24-hour helpline numbers)
Telangana: State government’s suicide prevention (tollfree): 104, Roshni: 040 66202000, 6620200, SEVA: 09441778290, 040 27504682 (between 9 am and 7 pm)
SUMMARY: Woman found dead in Lalbagh Lake
WhatsApp
Telegram
