ബെംഗളൂരു: മൈസൂരുവിൽ ഷോപ്പിങ് മാളിന്റെ നാലാം നിലയിൽനിന്ന് പരസ്യബോർഡ് മാറ്റുന്നതിനിടെ താഴേയ്ക്ക് വീണ് രണ്ട് യുവാക്കള് മരിച്ചു. മാളിൽ ടെക്നീഷ്യനായി ജോലിചെയ്തിരുന്ന സുനിലും(30) മാളിലെത്തിയ മൈസൂരു സ്വദേശി ചന്ദ്രുവുമാണ്(25) മരിച്ചത്.
ജയലക്ഷ്മിപുരത്തുള്ള സ്വകാര്യ ഷോപ്പിങ് മാളിൽ തിങ്കളാഴ്ചയാണ് സംഭവം. നാലാം നിലയിലെ പരസ്യബോർഡ് മാറ്റുന്നതിനിടെ നിലതെറ്റിയ സുനില് സഹായത്തിനായി ചന്ദ്രുവിന്റെ കൈയിൽപിടിക്കാൻ ശ്രമിക്കുമ്പോൾ ഇരുവരും താഴേക്കുവീഴുകയായിരുന്നു. സുനിൽ സംഭവസ്ഥലത്തുതന്നെ മരിച്ചു. പരുക്കുകളോടെ ആശുപത്രിയിൽ പ്രവേശിപ്പിച്ച ചന്ദ്രു പിന്നീട് മരിച്ചു. മതിയായ സുരക്ഷാക്രമീകരണങ്ങൾ ഒരുക്കാതെയായിരുന്നു ബോർഡ് മാറ്റാൻശ്രമിച്ചതെന്ന് പോലീസ് പറഞ്ഞു. മാളിന്റെ മാനേജരുടെപേരിൽ കേസെടുത്തിട്ടുണ്ട്.
SUMMARY: Two young men died after falling from the fourth floor of a shopping mall while removing an advertising board.
