കോഴിക്കോട്: സംസ്ഥാനത്ത് ഒരാള്ക്ക് കൂടി അമീബിക് മസ്തിഷ്ക ജ്വരം സ്ഥിരീകരിച്ചു. കോഴിക്കോട് മെഡിക്കല് കോളജില് ചികിത്സയിലുള്ള മലപ്പുറം കാരക്കോട് സ്വദേശിയായ പതിമൂന്ന് വയസുകാരനാണ് രോഗം സ്ഥിരീകരിച്ചത്. ഇതോടെ കോഴിക്കോട് മെഡിക്കല് കോളേജില് ചികിത്സയിലുള്ളവര് ഒമ്പതായി. ഒരാള് സ്വകാര്യ ആശുപത്രിയിലും ചികിത്സയിലാണ്. 5 മുതിര്ന്ന ആളുകള്ക്കും 4 കുട്ടികളുമാണ് ചികിത്സയിലുള്ളത്.
അതേസമയം, അമീബിക് മസ്തിഷ്ക ജ്വരം ബാധിച്ച് കഴിഞ്ഞ ദിവസം മരിച്ച റഹീം ജോലി ചെയ്ത ഹോട്ടല് അടച്ചിടാന് നിര്ദേശം. കോഴിക്കോട് പന്നിയങ്കരയിലുള്ള ശ്രീനാരായണ ഹോട്ടലിനാണ് കോര്പ്പറേഷന് ആരോഗ്യവകുപ്പിന്റെ നിര്ദേശം.
SUMMARY: One more child has been diagnosed with amoebic encephalitis in the state
SUMMARY: One more child has been diagnosed with amoebic encephalitis in the state
