തിരുവനന്തപുരം: കേരളത്തിലെ അമ്മത്തൊട്ടിലിൻ്റെ ചരിത്രത്തില് ആദ്യമായി ഒരേ ദിവസം മൂന്ന് കുഞ്ഞുങ്ങളെ ലഭിച്ചു. തിരുവനന്തപുരത്ത് രണ്ട് കുട്ടികളെയും ആലപ്പുഴയില് ഒരു കുഞ്ഞിനെയുമാണ് അമ്മത്തൊട്ടിലില് കണ്ടെത്തിയത്. ഒരു ദിവസം മൂന്ന് കുട്ടികളെ ലഭിക്കുന്നത് ഇതാദ്യമാണെന്ന് ശിശുക്ഷേമ സമിതി ജനറല് സെക്രട്ടറി അരുണ് ഗോപി അറിയിച്ചു.
ലഭിച്ച മൂന്ന് കുഞ്ഞുങ്ങളും പെണ്കുട്ടികളാണെന്നതും ഈ സംഭവത്തെ ശ്രദ്ധേയമാക്കുന്നു. ആലപ്പുഴയില് ലഭിച്ച കുഞ്ഞിന് ഏകദേശം 20 ദിവസം പ്രായമുണ്ട്. തിരുവനന്തപുരത്ത് ലഭിച്ച രണ്ട് കുട്ടികള്ക്ക് ഏകദേശം രണ്ടാഴ്ച പ്രായം വരും. ആലപ്പുഴയിലെ കുഞ്ഞിന് വീണ എന്നും തിരുവനന്തപുരത്തെ കുട്ടികള്ക്ക് അക്ഷര, അഹിംസ എന്നും പേരിട്ടു.
മൂന്ന് കുട്ടികളുടെയും ആരോഗ്യനില തൃപ്തികരമാണ് എന്ന് അധികൃതർ അറിയിച്ചു. ഈ വർഷം ഇതുവരെ ആകെ 23 കുഞ്ഞുങ്ങളെയാണ് അമ്മത്തൊട്ടിലില് ലഭിച്ചിട്ടുള്ളത്. ഇതില് 14 പെണ്കുട്ടികളും 9 ആണ്കുട്ടികളും ഉള്പ്പെടുന്നു. ഒറ്റ ദിവസം മൂന്ന് കുഞ്ഞുങ്ങളെ ലഭിച്ചത് ശിശുക്ഷേമ സമിതിയുടെ ചരിത്രത്തിലെ ഒരു പുതിയ അധ്യായമാണ്.
SUMMARY: For the first time in the history of Amma Chottil; Three baby girls born on the same day
