ബെംഗളൂരു: ഉപമുഖ്യമന്ത്രി ഡി കെ.ശിവകുമാർ ജനുവരി 6നു മു ഖ്യമന്ത്രിയാകുമെന്ന അവകാശവാദവുമായി കോൺഗസ് എംഎൽഎ ഇക്ബാൽ ഹുസൈൻ. സിദ്ധരാമയ്യയല്ല ഡി കെ ശിവകുമാറാണ് ജനുവരി ആറിന് കര്ണാടക മുഖ്യമന്ത്രിയായി തെരഞ്ഞെടുക്കപ്പെടുക എന്ന് ഇഖ്ബാല് ഹുസൈൻ പറഞ്ഞു. സിദ്ധരാമയ്യ മുഖ്യമന്ത്രി സ്ഥാനം ഒഴിഞ്ഞു ശിവകുമാറിന് അവസരം നൽകണമെന്നും ബെംഗളൂരുവിൽ മാധ്യമങ്ങളോട് പറഞ്ഞു.
ഇക്കാര്യം 99 ശതമാനം ഉറപ്പാണെന്നും അദ്ദേഹം പറഞ്ഞു. എന്തുകൊണ്ട് ജനുവരി ആറ് എന്ന ചോദ്യത്തിന് അത് വെറും ഒരു നമ്പർ മാത്രമാണെന്നായിരുന്നു ഉത്തരം. പക്ഷേ, എല്ലാവരും അങ്ങനെ പറയുന്നുണ്ടെന്ന് ഇക്ബാൽ ഹുസൈൻ അവകാശപ്പെട്ടു. ‘ജനുവരി ആറിന് അല്ലെങ്കിൽ ഒൻപതിന്’ അദ്ദേഹം കൂട്ടിച്ചേർത്തു. നിയമസഭാ ശീതകാല സമ്മേളനത്തിനു ശേഷം ശിവകുമാർ മുഖ്യമന്ത്രിയാകുമെന്ന് ഇക്ബാൽ ഹുസൈൻ വെള്ളിയാഴ്ചയും പറഞ്ഞിരുന്നു.
ശിവകുമാറിന് മുഖ്യമന്ത്രിസ്ഥാനം ലഭിക്കുന്നതിന് അനുകൂലമായി കഴിഞ്ഞ ജൂലായിൽ ഇക്ബാൽ ഹുസൈൻ നടത്തിയ പ്രസ്താവന പാർട്ടിക്ക് തലവേദനയുണ്ടാക്കിയിരുന്നു. കെപിസിസി അദ്ദേഹത്തിന് കാരണം കാണിക്കൽ നോട്ടീസും നൽകിയിരുന്നു. അതേസമയം ഇക്കാര്യത്തില് മറ്റാരും പ്രതികരിക്കാന് തയ്യാറായിട്ടില്ല.
SUMMARY: DK Shivakumar will become the Chief Minister on January 6: Congress MLA Iqbal Hussain claims
