അബുദാബി: അബുദാബിയിലുണ്ടായ വാഹനാപകടത്തില് ഒരു കുടുംബത്തിലെ മൂന്ന് കുട്ടികളടക്കം നാല് മലയാളികള് മരിച്ചു. ദുബായില് വ്യാപാരിയായ മലപ്പുറം കൊണ്ടോട്ടി പുളിയക്കോട് സ്വദേശി അബ്ദുല് ലത്തീഫിന്റെ മക്കളായ അഷസ് (14), അമ്മാർ (12), അയാഷ് (5) എന്നിവരും, ഇവരുടെ വീട്ടിലെ സഹായിയായിരുന്ന ചമ്രവട്ടം സ്വദേശി ബുഷറയുമാണ് മരിച്ചത്.
അപകടത്തില് പരുക്കേറ്റ അബ്ദുല് ലത്തീഫ്, ഭാര്യ, ഉമ്മ, മകള് എന്നിവരെ ആശുപത്രിയില് പ്രവേശിപ്പിച്ചു. ഇവർ നിലവില് തീവ്രപരിചരണ വിഭാഗത്തില് ചികിത്സയിലാണ്. അബുദാബി – ദുബായ് റോഡില് ഷഹാമക്ക് സമീപം വെച്ചായിരുന്നു അപകടം. അബുദാബിയില് നടന്ന ലിവാ ഫെസ്റ്റിവലില് പങ്കെടുത്ത ശേഷം ദുബായിലെ താമസസ്ഥലത്തേക്ക് മടങ്ങുകയായിരുന്നു കുടുംബം.
ഇവർ സഞ്ചരിച്ചിരുന്ന വാഹനം അപകടത്തില്പ്പെടുകയായിരുന്നുവെന്നാണ് പ്രാഥമിക വിവരം. നിലവില് മരിച്ചവരുടെ മൃതദേഹങ്ങള് ആശുപത്രി മോർച്ചറിയില് സൂക്ഷിച്ചിരിക്കുകയാണ്. നിയമനടപടികള് പൂർത്തിയാക്കിയ ശേഷം മൃതദേഹങ്ങള് നാട്ടിലെത്തിക്കാനുള്ള ശ്രമങ്ങള് പുരോഗമിക്കുന്നു.
SUMMARY: Four Malayalis, including children, die in Abu Dhabi road accident
WhatsApp
Telegram
