ബെംഗളൂരു: ബേക്കറിയില് പലഹാരമുണ്ടാക്കുന്നതിനിടെ യന്ത്രത്തില് വസ്ത്രം കുരുങ്ങി മലയാളി ബേക്കറി ഉടമ മരിച്ചു. പെരുമ്പാവൂര് കാലമ്പുറം പാണിയേലില് സജീവനാണ് (52) മരിച്ചത്. വൈറ്റ്ഫീല്ഡിലെ കണ്ണിമംഗലത്തെ എസ്എസ്എല് ബേക്കറി നടത്തിവരികയായിരുന്നു.
അപകടസമയത്ത് സജീവന് കടയില് ഒറ്റയ്ക്കായിരുന്നു. രാവിലെ പ്രഭാത ഭക്ഷണവുമായി എത്തിയ മകനാണ് സജീവനെ ബേക്കറിയിലെ നിര്മ്മാണ യൂണിറ്റിനുള്ളില് മരിച്ചുകിടക്കുന്ന നിലയില് കണ്ടെത്തിയത്. തേങ്ങ ചുരണ്ടുന്ന യന്ത്രത്തില് വസ്ത്രം കുരുങ്ങിയാണ് മരിച്ചത്.
കഴിഞ്ഞ 15 വര്ഷത്തോളമായി ബെംഗളൂരുവില് ബേക്കറി യൂണിറ്റ് നടത്തിവരികയായിരുന്നു. മൃതദേഹം പോസ്റ്റുമോര്ട്ടം നടപടിക്രമങ്ങള് പൂര്ത്തിയാക്കി നാട്ടിലേക്ക് കൊണ്ടുപോയി. സംസ്കാരം ഇന്ന് രാവിലെ 9ന് പാണിയേലിയിലെ ശ്മശാനത്തില് നടക്കും. ഭാര്യ: ലിബ. മക്കള്: ദേവനന്ദ, ദേവന്ദ്.
SUMMARY: The owner of a Malayali bakery died in an accident
