നഗരമദ്ധ്യത്തിലെ കടയിലേക്ക് ചെറുവിമാനം ഇടിച്ചുകയറി തകർന്നു; 10 യാത്രക്കാർക്ക് ദാരുണാന്ത്യം, 12ഓളം പേർക്ക് പരുക്ക്

ബ്രസീലിയ: ബ്രസീലിൽ കടയിലേക്ക് ചെറുവിമാനം ഇടിച്ചുകയറിയുണ്ടായ അപകടത്തില്‍ 10 പേർ മരിച്ചു. വിമാനത്തിലെ യാത്രക്കാരാണ് മരിച്ചത്. തെക്കൻ ബ്രസീലിയൻ നഗരമായ ഗ്രമാഡോയിലാണ് അപകടമുണ്ടായത്. അപകട സ്ഥലത്തുണ്ടായിരുന്ന 12ഓളം പേർക്ക് പരുക്കേറ്റു.

ബ്രസീലിൽ വിനോദസഞ്ചാരികളുടെ പ്രിയപ്പെട്ട മലയോര നഗരമാണ് ഗ്രമാഡോ. ക്രിസ്മസ് സീസൺ ആയതിനാൽ ഇവിടെ വിനോദസഞ്ചാരികളുടെ തിരക്കും ഉണ്ടായിരുന്നു. വിമാനത്തിലുണ്ടായിരുന്നതും വിനോദസഞ്ചാരികളാണെന്നാണ് റിപ്പോർട്ടുകൾ. എല്ലാവരും ഒരു കുടുംബത്തിൽ നിന്നുള്ളവരാണെന്ന് സിവിൽ ഡിഫൻസ് വിഭാഗം അധികൃതർ പറഞ്ഞു.

പരുക്കേറ്റവരില്‍ രണ്ടുപേരുടെ നില ഗുരുതരമാണെന്നാണ് വിവരം. ലൂയിസ് ക്ളൗഡിയോ ഗലേയാസി എന്ന പ്രാദേശിക ബിസിനസുകാരനാണ് അപകട സമയത്ത് വിമാനം പറത്തിയിരുന്നത്. കുടുംബസമേതം സാവോപോളോയിലേക്ക് പോകുകയായിരുന്നു ഇയാൾ. 61 വയസുകാരനായ ഇയാൾ വിമാനത്തിലുണ്ടായിരുന്നു എന്ന് സ്ഥിരീകരിച്ചു. ഇദ്ദേഹത്തിന്റെ ഭാര്യ മൂന്ന് പെൺമക്കൾ, കുടുംബാംഗങ്ങൾ, കമ്പനിയിലെ ഒരു ജീവനക്കാരൻ എന്നിവരാണ് മരിച്ചത്.

<br>
TAGS : PLANE CRASH | BRAZIL
SUMMARY : A small plane crashed into a shop in the city center and crashed; 10 passengers died, about 12 were injured