തെരുവുനായ കുറുകെ ചാടി; നിയന്ത്രണം വിട്ട ഓട്ടോ മറിഞ്ഞ് 10 വയസുകാരന്‍ മരിച്ചു

തിരുവനന്തപുരം: കടക്കാവൂർ നിലയ്ക്കാമുക്കില്‍ തെരുവ് നായ കുറുകെ ചാടിയതിനെ തുടർന്ന് നിയന്ത്രണം വിട്ട ഓട്ടോ മറിഞ്ഞ് 10 വയസുകാരന് ദാരുണാന്ത്യം. അഞ്ചുതെങ്ങ് മാമ്പള്ളി നല്ലാംതിട്ടയില്‍ വാള്‍ട്ടർ- ബിജി ദമ്പതികളുടർ മകൻ കുട്ടു എന്ന് വിളിക്കുന്ന ബിനോയ് ആണ് മരിച്ചത്. ബുധനാഴ്ച വൈകിട്ട് 3.15-ഓടെയായിരുന്നു സംഭവം.

അമ്മ ബിജിയും ബിനോയിയും സഹോദരി ബ്ലസിയും മൊബൈല്‍ ഫോണ്‍ നന്നാക്കാനായി ആറ്റിങ്ങലിലേക്ക് പോകവേ, നിലയ്ക്കാമുക്ക് ചന്തയ്ക്ക് മുന്നില്‍വച്ച്‌ ഇവർ സഞ്ചരിച്ച ഓട്ടോറിക്ഷ ഫുട്ട്പാത്തിലേക്ക് ഇടിച്ചു കയറി മറിയുകയായിരുന്നു. അപകടത്തില്‍ ബിനോയ് ഓട്ടോറിക്ഷയ്ക്ക് അടിയില്‍ പെടുകയായിരുന്നു. തെരുവുനായ കുറുകെ ചാടിയതാണ് അപകടത്തിന് കാരണമെന്നാണ് വിവരം.

SUMMARY: A stray dog ​​jumped across; a 10-year-old boy died after his auto overturned out of control