തിരുവനന്തപുരം: സിപിഐ നേതാവും സിനിമാ സീരിയല്‍ നടനുമായ ജയൻ ചേർത്തല കോണ്‍ഗ്രസിലേക്കെന്ന് സൂചന. എഐസിസി ജനറല്‍ സെക്രട്ടറി കെ. സി വേണുഗോപാലുമായി ജയൻ ചേർത്തല ചർച്ച നടത്തി. രാവിലെയോടെയാണ് ജയന്‍ ചേര്‍ത്തല കെ സി വേണുഗോപാലിന്റെ വീട്ടിലെത്തിയത്.
തന്റെ മണ്ഡലത്തിലെ എംപിയാണല്ലോയെന്നും അതുകൊണ്ട് ആലപ്പുഴയിലെ ചില വിഷയങ്ങള്‍ പറയാന്‍ എത്തിയതാണെന്നുമായിരുന്നു ജയന്‍ ചേര്‍ത്തലയുടെ പ്രതികരണം. പ്രേം കുമാറിന് പിന്നാലെയാണ് നടൻ ജയൻ ചേർത്തലയും കോണ്‍ഗ്രസ് നേതാക്കളുമായി ചർച്ച നടത്തുന്നത്. നിലവില്‍ സിപിഐ സഹയാത്രികനായ ജയൻ ചേർത്തലയുടെ മാറ്റം സിനിമാരാഷ്ട്രീയ മേഖലകളില്‍ വലിയ ചർച്ചകള്‍ക്ക് വഴിവച്ചിട്ടുണ്ട്.
സിപിഐ നേതൃത്വവുമായി ഏറെ കാലമായി സഹകരിച്ചു പ്രവർത്തിച്ചിരുന്ന ജയൻ ചേർത്തല ഔദ്യോഗികമായി കോണ്‍ഗ്രസ് അംഗത്വം സ്വീകരിക്കുന്ന കാര്യത്തില്‍ ഉടൻ തീരുമാനമുണ്ടാകുമെന്നാണ് കരുതപ്പെടുന്നത്.
SUMMARY: Actor Jayan Cherthala to join Congress? Discussions held with KC Venugopal
