കൊച്ചി: അഭിനേതാക്കളുടെ സംഘടനയായ അമ്മയുടെ വാര്ഷിക ജനറല്ബോഡി യോഗം ഇന്ന് കൊച്ചിയില്. പ്രസിഡന്റായി മോഹൻലാല് തുടർന്നേക്കും. തിരഞ്ഞെടുപ്പ് ഒഴിവാക്കി അഡ്ഹോക് കമ്മിറ്റി അംഗങ്ങളെ തന്നെ ഭാരവാഹികളാക്കാൻ നീക്കം.ലഹരിക്കെതിരെയുള്ള ബോധവല്ക്കരണവുമായി നർക്കോട്ടിക് സെല് ഉദ്യോഗസ്ഥർ യോഗത്തില് പങ്കെടുക്കും.
അവസാന വാര്ഷിക ജനറല്ബോഡിയില് തിരഞ്ഞെടുപ്പിലൂടെ സ്ഥാനമേറ്റ കമ്മിറ്റി വിവാദങ്ങളെ തുടര്ന്ന് ഒന്നടങ്കം രാജിവച്ചിരുന്നു. തുടര്ന്ന് നിലവില് അഡ്ഹോക് കമ്മിറ്റിയാണ് അമ്മയുടെ പ്രവര്ത്തനങ്ങള് നിയന്ത്രിക്കുന്നത്. മലയാള സിനിമയെ പിടിച്ചുകുലുക്കിയ മീടു വെളിപ്പെടുത്തലുകള്, ഹേമ കമ്മിറ്റി റിപ്പോര്ട്ടിലെ പരാമര്ശങ്ങള് എന്നിവയാണ് താരസംഘടനയിലും പൊട്ടിത്തെറികള്ക്ക് കാരണമായത്.
ആരോപണ വിധേയനായ ജനറല് സെക്രട്ടറി സിദ്ദിഖ് രാജിവച്ചതിന് പിന്നാലെ പ്രസിഡന്റായ മോഹന്ലാലിന്റെ അധ്യക്ഷതയില് യോഗം ചേരുകയും നിലവിലെ കമ്മിറ്റി പിരിച്ചുവിടാനും തീരുമാനിക്കുകയായിരുന്നു. എന്നാല് പുതിയ കമ്മിറ്റിയെ തിരഞ്ഞെടുക്കുന്നത് ഹ്രസ്വകാല അടിസ്ഥാനത്തില് സാധ്യമാകാത്തതിനാല് പിരിച്ചുവിടപ്പെട്ട കമ്മിറ്റി തന്നെ തല്ക്കാലത്തേക്ക് അഡ്ഹോക് കമ്മിറ്റിയായി കാര്യങ്ങള് നിയന്ത്രിക്കാന് തീരുമാനിച്ചു.
ഈ കമ്മിറ്റിയുടെ നേതൃത്വത്തിലാണ് പിന്നീട് കുടുംബസംഗമം അടക്കമുള്ള അമ്മയുടെ പരിപാടികള് നടന്നത്. മികച്ച രീതിയില് തന്നെ ഈ പരിപാടികള് കമ്മിറ്റി സംഘടിപ്പിച്ചതോടെയാണ് നിലവിലെ കമ്മിറ്റി തന്നെ തുടരുന്നതാകും നല്ലതെന്ന ഭൂരിപക്ഷ അഭിപ്രായമുയര്ന്നത്.
SUMMARY: AMMA’s annual general body meeting in Kochi today
കാബൂൾ : അഫ്ഗാനിസ്ഥാനില് കനത്ത മഴയിലും മിന്നല് പ്രളയത്തിലും 17 മരണം. നിരവധി പേര്ക്ക് പരുക്കേറ്റു. ഹെറാത്ത് പ്രവിശ്യയിലെ കബ്കാൻ…
കോട്ടയം: മധ്യ ലഹരിയില് സീരിയല് താരം സിദ്ധാര്ത്ഥ് ഓടിച്ച വാഹനമിടിച്ചു ഒരാള് മരിച്ച സംഭവത്തില് താരത്തിനെതിരെ കൂടുതല് വകുപ്പുകള് ചുമത്തി…
തിരുവനന്തപുരം: ശബരിമല സ്വർണ്ണക്കൊള്ള, ജാമ്യത്തിനായി ദേവസ്വം ബോര്ഡ് മുന് പ്രസിഡന്റ് എന്.വാസു സുപ്രീംകോടതിയെ സമീപിച്ചു. അന്വേഷണവും ആയി പൂർണ്ണമായി സഹകരിച്ചെന്ന്…
കോഴിക്കോട്: താമരശ്ശേരി ചുരത്തിൽ വൻ ഗതാഗതക്കുരുക്ക്. ചുരം കയറാനായുള്ള വാഹനങ്ങളുടെ നീണ്ട നിര അടിവാരം പിന്നിട്ടു. ചുരത്തിന്റെ മുകള്ഭാഗം മുതല്…
തിരുവനന്തപുരം: പുതുവത്സരാഘോഷത്തില് മദ്യത്തിനായി മലയാളി ചെലവഴിച്ചത് 125.64 കോടി രൂപ. പുതുവര്ഷ തലേന്ന് ഔട്ട്ലെറ്റുകളിലും വെയര്ഹൗസുകളിലുമായി 125 കോടിയിലധികം രൂപയുടെ…
മലപ്പുറം: പൂക്കോട്ടൂരിലെ ചെരുപ്പ് കമ്പനിയില് വൻ തീപിടിത്തം. ആർക്കും ആളപായമില്ല. വിവിധ യൂണിറ്റുകളില് നിന്ന് അഗ്നിരക്ഷാസേനയെത്തി തീ നിയന്ത്രണവിധേയമാക്കാനുള്ള ശ്രമം…