ബാംഗ്ലൂർ കേരളസമാജം ഡയാലിസിസ് യൂണിറ്റും ആംബുലൻസും ഉദ്ഘാടനം ചെയ്തു

ബെംഗളൂരു: ബാംഗ്ലൂർ കേരളസമാജം മല്ലേശ്വരം സോണിന്റെ നേതൃത്വത്തിൽ അഞ്ചാമത്തെ ഡയാലിസിസ് യൂണിറ്റും ഒരു ആംബുലൻസും വിദ്യാരണ്യപുര, ലക്ഷ്മിപുര ക്രോസിലുള്ള പ്രസാദ് ഗ്ലോബൽ ഹോസ്പിറ്റലിൽ ഉദ്ഘാടനം ചെയ്തു. നിർധനരായ രോഗികൾക്കായി സമാജം ഒരുക്കുന്ന പതിനൊന്നാമത്തെ ഡയാലിസിസ് യൂണിറ്റും ആറാമത്തെ ആംബുലൻസുമാണിത്. ജർമ്മൻ കമ്പനിയായ ഡുരാഗ് ഇന്ത്യ ഇൻസ്ട്രുമെന്റേഷൻ പ്രൈവറ്റ് ലിമിറ്റഡ് ആണ് പദ്ധതി സ്പോൺസർ ചെയ്തത്.

ഡുരാഗ് ഇൻസ്ട്രുമെൻ്റേഷൻ പ്രൈവറ്റ് ലിമിറ്റഡ് മാനേജിംഗ് ഡയറക്ടറും ഏഷ്യ പസഫിക് സെയിൽസ് ഡയറക്ടറുമായ ഓവൻ വെബ്, ഡുരാഗ് ഇന്ത്യ ഇൻസ്ട്രുമെൻ്റേഷൻ പ്രൈവറ്റ് ലിമിറ്റഡ് മാനേജിംഗ് ഡയറക്ടർ ബിന്നി ഫാബിയാൻ എന്നിവർ ചേർന്ന് ആംബുലൻസിന്റെയും ഡയാലിസിസ് മെഷീന്റെയും ഉദ്ഘാടനം നിർവഹിച്ചു.

ചടങ്ങിൽ മല്ലേശ്വരം സോൺ ചെയർമാൻ പോൾ പീറ്റർ അധ്യക്ഷത വഹിച്ചു. ബാംഗ്ലൂർ കേരളസമാജം പ്രസിഡന്റ് ഹനീഫ് എം, ജനറൽ സെക്രട്ടറി റജികുമാർ, പ്രസാദ് ഗ്ലോബൽ ഹോസ്പ്പിറ്റൽ മാനേജിങ്ങ് ഡയറക്ട്ടർ ഡോ. നിഹാൽ പ്രസാദ്, സോൺ കൺവീനർ പി.ആർ. ഉണ്ണികൃഷ്ണൻ, ലേഡീസ് വിംഗ് ചെയർപേഴ്സൺ സുധാ സുധീർ സംബന്ധിച്ചു.

ചടങ്ങിൽ മല്ലേശ്വരം സോണിന്റെയും മറ്റ് സോണുകളുടെയും നിരവധി അംഗങ്ങൾ പങ്കെടുത്തു.

സൗജന്യ നിരക്കിലാണ് ഡയാലിസിസ് കൾ രോഗികൾക്ക്  നൽകി വരുന്നത്. മെഡ് സ്റ്റാർ ഹോസ്പ്പിറ്റൽ സഹകാർ നഗർ, അവെക്ഷ ആസ്പത്രി എം എസ് പാളയ വിദ്യരണ്യപുര, ഹോസ്‌ക്കോട്ടെ മിഷൻ ആസ്പത്രി, പ്രസാദ് ഗ്ലോബൽ ആസ്പത്രി, ലക്ഷ്മിപുര, കഗദാസപുര ശ്രീ ലക്ഷ്മി ആസ്പത്രി, ട്രീലൈഫ് ആസ്പത്രി, കല്യാൺ നഗർ എന്നിവിടങ്ങളിലാണ് ഡയാലിസിസ് യൂണിറ്റുകൾ പ്രവർത്തിക്കുന്നതെന്ന് ജനറൽ സെക്രട്ടറി റജികുമാർ അറിയിച്ചു. വിശദ വിവരങ്ങൾക്ക്: 8310301304, 9902576565.
SUMMARY: Bangalore Kerala Samajam inaugurated dialysis unit and ambulance