ബെംഗളൂരു: ദക്ഷിണേന്ത്യൻ സാഹിത്യത്തെ ആദരിക്കാനും ആഘോഷിക്കാനുമായി ബുക്ക് ബ്രഹ്മ സംഘടിപ്പിക്കുന്ന സാഹിത്യോത്സവത്തിന് കോറമംഗലയിലുള്ള സെന്റ് ജോൺസ് ഓഡിറ്റോറിയത്തിൽ ഇന്ന് തിരിതെളിയും. രാവിലെ 10 ന് നടക്കുന്ന ഉദ്ഘാടന സെഷനില്‍ ബുക്കറിനപ്പുറം- സഞ്ചരിക്കുന്ന കഥകൾ: ഇന്ത്യൻ കഥകളുടെ ഭാവി എന്ന വിഷയത്തില്‍ ബുക്കർ പ്രൈസ് ജേതാവ് ബാനു മുഷ്താഖ്, ദീപ ഭാസ്തി, കനിഷ്ക ഗുപ്ത, മൗതുഷി മുഖർജി, ശ്വേത യെറാം എന്നിവര്‍ സംസാരിക്കും. മൂന്നു ദിവസം നീളുന്ന സാഹിത്യോത്സവത്തില്‍ പ്രശസ്ത ഇന്ത്യൻ എഴുത്തുകാർ പങ്കെടുക്കും. കന്നഡ, തഴിഴ്, തെലുഗു, മലയാളം സാഹിത്യവുമായി നിരവധി സംവാദങ്ങളും ചർച്ചകളും നടക്കും.
വെള്ളിയാഴ്ച രാവിലെ 11 മണിക്ക് നടക്കുന്ന മലയാളം സെഷനില്‍ ‘പാവങ്ങളു’ടെ നൂറു വർഷങ്ങൾ എന്ന ചര്‍ച്ചയില്‍ എഴുത്തുകാരായ കെ.പി.രാമനുണ്ണി, സജയ് കെ.വി, ഡെന്നിസ് പോൾ എന്നിവര്‍ സംസാരിക്കും. ഉച്ചയ്ക്ക് രണ്ടിന് ‘നോവലിലെ ജ്ഞാനമണ്ഡലങ്ങൾ’ എന്ന ചര്‍ച്ചയില്‍ ഇ.സന്തോഷ്കുമാർ, കെ.പി.രാമനുണ്ണി, കെ.ആർ.കിഷോർ എന്നിവരും വൈകിട്ട് നാലിന് നടക്കുന്ന ‘നോവലിലെ വിഭിന്ന സ്വരങ്ങൾ’ ചര്‍ച്ചയില്‍ ബിനീഷ് പുതുപ്പണം, മുഹമ്മദ് അബ്ബാസ്, നിമ്ന വിജയൻ എന്നിവരും സംസാരിക്കും.
ശനിയാഴ്ച രാവിലെ 11 ന് നടക്കുന്ന വായനയും എഴുത്തും ചര്‍ച്ചയില്‍ ശ്രീജിത് പെരുന്തച്ചൻ, ഇന്ദിര ബാലൻ, രമ പ്രസന്ന പിഷാരടി, സതീഷ് തോട്ടശ്ശേരിയും ഉച്ചയ്ക്ക് ഒന്നിന് നടക്കുന്ന ഡിജിറ്റൽ കാലത്തെ സാഹിത്യത്തില്‍ എൻ. എസ്.മാധവൻ, കെ.പി.രാമനുണ്ണി എന്നിവരും വൈകിട്ട് 4 നടക്കുന്ന പുതുകാലം പുതുകവിതയില്‍ ഷീജ വക്കം, വീരാൻകുട്ടി, സോമൻ കടലൂർ, ടി.പി.വിനോദ് എന്നിവര്‍ പങ്കെടുക്കും.
സമാപന ദിവസമായ പത്തിന് രാവിലെ 12 ന് കഥയുടെ ജീവിതം ചര്‍ച്ചയില്‍ യു.കെ.കുമാരൻ, സന്തോഷ് എച്ചിക്കാനം, ബ്രിജി എന്നിവര്‍ സംസാരിക്കും. ഉച്ചയ്ക്ക് 1 ന് മാധ്യമവും സാഹിത്യവും എന്ന വിഷയത്തില്‍ ശ്രീകാന്ത് കോട്ടക്കൽ, വിഷ്ണുമംഗലം കുമാർ, ആഷ് അഷിത, ബിന്ദു സജീവ് എന്നിവരും രണ്ടിന് നടക്കുന്ന വിമർശനത്തിലെ പുതുവഴികൾ എന്ന ചര്‍ച്ചയില്‍ ഇ.പി.രാജഗോപാലൻ, രാഹുൽ രാധാകൃഷൻ ദേവേശൻ പേരൂർ എന്നിവരും പങ്കെടുക്കും.
ബുക്ക് ബ്രഹ്മ ഫൗണ്ടേഷന്റെ സാഹിത്യപുരസ്‌കാരം എഴുത്തുകാരി കെ.ആര്‍. മീരയ്ക്ക് സമാപന ദിവസം സമ്മാനിക്കും. ദക്ഷിണേന്ത്യന്‍ സാഹിത്യത്തിന് മികച്ച സംഭാവനകള്‍ നല്‍കിയ എഴുത്തുകാര്‍ക്ക് നല്‍കുന്ന പുരസ്‌കാരമാണിത്. രണ്ടുലക്ഷം രൂപയും ഫലകവുമടങ്ങുന്നതാണ് പുരസ്‌കാരം. തുടര്‍ന്ന് കെ.ആര്‍. മീരയുമായുളള സംഭാഷണവുമുണ്ടാകും.
സാഹിത്യോത്സവത്തിന്റെ ഭാഗമായി വിവിധ കലാസാംസ്കാരിക പരിപാടികളും ഉണ്ടാകും. വെള്ളിയാഴ്ച ഉച്ചയ്ക്ക് 2 മണിക്ക് ലക്ഷ്മി ചന്ദ്രശേഖർ അവതരിപ്പിക്കുന്ന ശിങ്കാരവ്വ, വൈകിട്ട് 6 30ന് പ്രശസ്ത സംഗീതജ്ഞ ബി ജയശ്രീ അവതരിപ്പിക്കുന്ന രംഗേ ഗീതെ, ശനിയാഴ്ച വൈകിട്ട് 6 30ന് പ്രശസ്ത കർണാട്ടിക് സംഗീതജ്ഞന്‍ ടി എം കൃഷ്ണയുടെ സംഗീത കച്ചേരി, ഞായറാഴ്ച ഉച്ചയ്ക്ക് രണ്ടിന് മുൻസി പ്രസാദ് അവതരിപ്പിക്കുന്ന സംഗീത പരിപാടി, വൈകിട്ട് 6 30ന് ബാംഗ്ലൂർ ക്ലബ്ബ് ഫോർ കഥകളി ആൻഡ് ആർട്സ് അവതരിപ്പിക്കുന്ന ദുര്യോധനവധം കഥകളി എന്നിവയും അരങ്ങേറും.
പരിപാടിയുടെ വിശദമായ ഷെഡ്യൂള്‍: Book Brahma Literature Fest 2025- Schedule
SUMMARY: Book Brahma Literary Festival begins today
ആധാർ പുതുക്കാനും തിരുത്താനുമുള്ള നിരക്ക് പരിഷ്കരിച്ച് യുണീക് ഐഡന്‍റിഫിക്കേഷൻ അതോറിറ്റി ഓഫ് ഇന്ത്യയുടെ (യുഐഡിഎഐ) ഉത്തരവിറങ്ങി. ആധാറിലെ പേര്, ജനനത്തീയതി,…
മലപ്പുറം: തിരൂരില്‍ സ്വകാര്യ ബസുകള്‍ക്കിടയിൽപ്പെട്ട് കൈയ്ക്ക് പരുക്കേറ്റ എട്ടാം ക്ലാസ് വിദ്യാർഥിയുടെ വിരല്‍ അറ്റു. പറവണ്ണ മുറിവഴിക്കലിൽ കഴിഞ്ഞ ദിവസമാണ്…
ബെംഗളൂരു: വിമാനത്തിന്റെ ശൗചാലയമെന്ന് കരുതി കോക്പിറ്റില്‍ പ്രവേശിക്കാന്‍ ശ്രമിച്ച യാത്രക്കാരന്‍ അറസ്റ്റില്‍. ഇന്ന് രാവിലെ എട്ടുമണിക്ക് ബെംഗളൂരുവിൽ നിന്ന് പുറപ്പെട്ട്…
ബെംഗളൂരു: പൂജാ അവധി, ശബരിമല തീർഥാടനം എന്നിവയുമായി ബന്ധപ്പെട്ട യാത്രാ തിരക്ക് പരിഗണിച്ച് ഹുബ്ബള്ളിയില്‍ നിന്ന് ബെംഗളൂരു വഴി കൊല്ലത്തേക്ക്…
ബെംഗളൂരു: മൈസൂരു ദസറയ്ക്ക് തുടക്കം. എഴുത്തുകാരിയും ബുക്കർ പുരസ്കാര ജേതാവുമായ ബാനു മുഷ്താഖ് ദസറ ഉദ്ഘാടനം ചെയ്തു. മൈസൂരിലെ ആരാധനാദേവതയായ…
ന്യൂഡൽഹി: ഡല്‍ഹി കലാപ ഗൂഢാലോചന കേസില്‍ വിദ്യാർഥി നേതാവ് ഉമർ ഖാലിദ് അടക്കമുള്ളവരുടെ ജാമ്യ ഹർജിയില്‍ സുപ്രീംകോടതി ഡല്‍ഹി പോലീസിന്…