ബെംഗളൂരു: ബെംഗളൂരു ആസ്ഥാനമായ ഡിജിറ്റൽ മീഡിയ ഹൗസായ ബുക്ക് ബ്രഹ്മ സംഘടിപ്പിക്കുന്ന ദക്ഷിണേന്ത്യൻ സാഹിത്യോത്സവത്തിന് വെള്ളിയാഴ്ച കോറമംഗല സെയ്ന്റ് ജോൺസ് ഓഡിറ്റോറിയത്തിൽ തുടക്കമാകും. മൂന്നു ദിവസത്തെ സമ്മേളനത്തിൽ അഞ്ച് ദക്ഷിണേന്ത്യൻ സംസ്ഥാനങ്ങളിൽ നിന്നുള്ള 300-ലേറെ എഴുത്തുകാരും 100-ലേറെ പ്രസാധകരും പങ്കെടുക്കും. മലയാളം, കന്നഡ, തമിഴ്, തെലുഗു, ഇംഗ്ലീഷ് ഭാഷകളിലെ പുസ്തകങ്ങളുമായി 60 സ്റ്റാളുകളുണ്ടാകും. 80 സെഷനുകൾ നടക്കും.
ഇന്ത്യൻ ഭാഷകളിലെ എഴുത്തുകാർക്ക് ഏർപ്പെടുത്തിയ ബുക്ക് ബ്രഹ്മ സാഹിത്യ പുരസ്കാരം സാഹിത്യോത്സവത്തില്‍ വിതരണം ചെയ്യും. വെള്ളിയാഴ്ച തമിഴ് എഴുത്തുകാരൻ പെരുമാൾ മുരുകൻ ‘ബുക്ക് ബ്രഹ്മ നോവൽ’ പുരസ്കാരം സമ്മാനിക്കും. തുടർന്ന് പെരുമാൾ മുരുകനുമായി സംവാദം നടക്കും. രണ്ടാംദിനത്തിൽ ‘ബുക്ക് ബ്രഹ്മ സ്വാതന്ത്ര്യദിന ചെറുകഥാ’ മത്സര വിജയികൾക്ക് സമ്മാനങ്ങൾനൽകും. നോവലിസ്റ്റ് ബെന്യാമിൻ സമ്മാനങ്ങൾനൽകും. മൂന്നാം ദിനത്തിൽ ‘ബുക്ക് ബ്രഹ്മ സാഹിത്യ പുരസ്കാര’ പ്രഖ്യാപനം നടക്കും.
ദക്ഷിണേന്ത്യൻ എഴുത്തുകാരായ കെ. സച്ചിദാനന്ദൻ, ബെന്യാമിൻ, എച്ച്.എസ്. ശിവപ്രകാശ്, വിവേക് ഷാൻഭാഗ്, ജയമോഹൻ, പെരുമാൾ മുരുകൻ, വോൾഗ, മുദ്‌നക്കുടു ചിന്നസ്വാമി, അക്കായി പദ്മശാലി, ഗിരീഷ് കാസറവള്ളി തുടങ്ങിയവർ വിവിധ സെഷനുകളിൽ പങ്കെടുക്കും.
9 ന് ഉച്ചയ്ക്ക് 12ന് മലയാള നോവൽ വ്യത്യസ്ത ഭൂമികകൾ എന്ന വിഷയത്തിൽ നടക്കുന്ന ചർച്ചയിൽ എഴുത്തുകാരായ സുഭാഷ് ചന്ദ്രൻ, രാജശ്രീ, സോമൻ കടലൂർ, എ.വി. പവിത്രൻ എന്നിവർ സംസാരിക്കും. ഉച്ചയ്ക്ക് 1 മണിക്ക് മലയാള ചെറുകഥ – പുതിയ പ്രവണതകൾ എന്ന വിഷയത്തിൽ നടക്കുന്ന ചർച്ചയിൽ സന്തോഷ് ഏച്ചിക്കാനം, ഇ. സന്തോഷ് കുമാർ, കെ. രേഖ കുഞ്ഞിക്കണ്ണൻ എന്നിവർ സംസാരിക്കും.
പത്താം തീയതി ഒരു മണിക്ക് ചിന്താവിഷ്ടയായ സീത എന്ന വിഷയത്തിൽ എഴുത്തുകാരായ കെ.വി.സജയ്, ആലങ്കോട് ലീലാകൃഷ്ണൻ, ഗോവിന്ദവർമ്മ രാജ, ടി.പി. വിനോദും വൈകിട്ട് മൂന്നിന് മലയാള സാഹിത്യ വിമർശനത്തിൽ ഇവി രാമകൃഷ്ണൻ, ഇപി രാജഗോപാലൻ, സി.പി. ചന്ദ്രൻ, എം.കെ. ഹരികുമാർ എന്നിവരും പങ്കെടുത്ത് സംസാരിക്കും.
11 ന് സമകാലിക മലയാള കവിതയിൽ സന്ധ്യ ഇ, എസ്. ജോസഫ്, സുകുമാരൻ ചലിഗദ്ധ, വിമീഷ് മണിയാർ, ഉച്ചക്ക് ഒന്നിന് നടക്കുന്ന വായനയുടെ ലോകം – മലയാള സാഹിത്യ വിഭാഗത്തിൽ രമ പ്രസന്നാ പിഷാരടി, വിഷ്ണുമംഗലം കുമാർ, സതീഷ് തോട്ടശ്ശേരി, ബ്രിജി എന്നിവരും സംസാരിക്കും.
പങ്കെടുക്കാന്‍ താത്പര്യമുള്ളവര്‍ക്ക് www.bookbrahmalitfest.com വഴി രജിസ്റ്റർ ചെയ്യാം.
കാര്യപരിപാടികള്‍ ഇവിടെ വായിക്കാം
[pdf-embedder url=”https://newsbengaluru.com/wp-content/uploads/2024/08/Agenda-Lit-Fest-2024-V5_compressed.pdf” title=”Agenda Lit Fest 2024 V5_compressed”]
TAGS : ART AND CULTURE
SUMMARY : Book Brahma Sahitya Festival from 9th August
തിരുവനന്തപുരം: തദ്ദേശ തിരഞ്ഞെടുപ്പിനുള്ള എല്‍ഡിഎഫ് പ്രകടന പത്രിക പുറത്തിറക്കി. എല്ലാവര്‍ക്കും വീടും ഭക്ഷണവും ചികിത്സയും ഉറപ്പു വരുത്തുമെന്ന് പ്രകടന പത്രികയില്‍…
കൊച്ചി: വിവാഹബന്ധം വേര്‍പ്പെടുത്തിയെന്ന് സ്ഥിരീകരിച്ച്‌ നടി മീര വാസുദേവ്. ഇന്‍സ്റ്റഗ്രാമില്‍ പങ്കുവച്ച പോസ്റ്റിലൂടെയാണ് നടി ഇക്കാര്യം അറിയിച്ചിരിക്കുന്നത്. കാമറമാനായ വിപിന്‍…
ബംഗ്ലാദേശ്: ബംഗ്ലാദേശ് കലാപത്തില്‍ മുൻ ബംഗ്ലാദേശ് പ്രധാനമന്ത്രി ഷെയ്ഖ് ഹസീനയ്ക്ക് വധശിക്ഷ. അന്താരാഷ്ട്ര കുറ്റകൃത്യ ട്രൈബ്യൂണല്‍ ആണ് ശിക്ഷ വിധിച്ചിരിക്കുന്നത്.…
ജിദ്ദ: സൗദി അറേബ്യയിലെ മദീനയ്ക്ക് സമീപം ഞായറാഴ്ച അർദ്ധരാത്രി ഉണ്ടായ റോഡപകടത്തിന്റെ പശ്ചാത്തലത്തില്‍ ജിദ്ദയിലെ ഇന്ത്യൻ കോണ്‍സുലേറ്റില്‍ 24x7 കണ്‍ട്രോള്‍…
ഡല്‍ഹി: യൂനിസെഫ് ഇന്ത്യയുടെ സെലബ്രിറ്റി ബ്രാൻഡ് അംബാസഡറായി നടി കീർത്തി സുരേഷ് നിയമിതയായി. കുഞ്ഞുങ്ങളുടെ ഉന്നമനത്തിനായുള്ള യു.എൻ ഏജൻസിയായ യൂണിസെഫിന്റെ…
തിരുവനന്തപുരം: പാലോട് പടക്ക നിര്‍മാണ ശാലയില്‍ പൊട്ടിത്തെറിയില്‍ ഗുരുതരമായി പരുക്കേറ്റ് ചികിത്സയിലായിരുന്ന തൊഴിലാളി മരിച്ചു. താളിക്കുന്ന സ്വദേശി ഷീബ (45)…