മലപ്പുറം: ഇരുവേറ്റിയില് ബിഹാർ സ്വദേശികളായ മൂന്ന് കുട്ടികള്ക്ക് രണ്ടാനമ്മയുടെ ക്രൂര ആക്രമണത്തില് പരുക്ക്. അഞ്ച്, ആറ്, 11 വയസുള്ള പെണ്കുട്ടികളുടെ കാലില് രണ്ടാനമ്മ ഷീലാ ദേവി ചട്ടുകം വച്ച് പൊള്ളലേല്പ്പിക്കുകയായിരുന്നു. നാട്ടുകാരുടെ പരാതിയില് ഷീലാ ദേവിയെയും ഭർത്താവ് രാജേഷ് ശർമയെയും പോലീസ് അറസ്റ്റ് ചെയ്ത് കോടതിയില് ഹാജരാക്കി റിമാൻഡ് ചെയ്തു.
കുട്ടികളുടെ സംരക്ഷണം സിഡബ്ല്യുസി ഏറ്റെടുത്തു. പതിവായി കുട്ടികളുടെ കരച്ചില് കേട്ട നാട്ടുകാരാണ് വിഷയം പോലീസില് അറിയിച്ചത്. പരിശോധനയില് ഇവരുടെ കാലില് ഗുരുതര പരുക്കും കണ്ടെത്തി. കുട്ടികളെ ആക്രമിക്കുന്നതില് രാജേഷ് ശർമയ്ക്കും പങ്കുണ്ടെന്നാണ് പോലീസ് കണ്ടെത്തല്. വർഷങ്ങളായി സ്ഥലത്ത് താമസിച്ച് ജോലി ചെയ്തുവരുന്നയാളാണ് രാജേഷ് ശർമ.
SUMMARY: Child’s cruelty towards children in Malappuram; Burned with hot pan
WhatsApp
Telegram
