ചൈനീസ്: ചൈനീസ് പ്രമുഖ നടനും ഗായകനുമായ അലൻ യു മെങ്ലോംഗ് കെട്ടിടത്തില് നിന്ന് വീണ് മരിച്ചു. 37 വയസായിരുന്നു. വ്യാഴാഴ്ചയായിരുന്നു സംഭവം നടന്നത്. മരണത്തില് ദുരൂഹതയില്ലെന്ന് പോലീസ് അറിയിച്ചിട്ടുണ്ട്. അലന്റെ മരണ വിവരം വെയ്ബോയിലൂടെ പുറത്തിറക്കിയ പ്രസ്താവനയിലൂടെ അദ്ദേഹത്തിന്റെ മാനേജ്മെന്റ് ടീം അറിയിക്കുകയായിരുന്നു.
ഏറെ ഞെട്ടലോടെയാണ് അലന്റെ മരണവാർത്ത സിനിമ ലോകം അറിഞ്ഞത്. ഗായകന്റെ വിയോഗത്തില് സിനിമാ ലോകം ഒന്നടങ്കം ദുഃഖം രേഖപ്പെടുത്തി. 2007-ല് ‘മൈ ഷോ, മൈ സ്റ്റൈല്’ എന്ന ടാലന്റ് റിയാലിറ്റി ഷോയിലൂടെയാണ് അലൻ കരിയർ ആരംഭിക്കുന്നത്. പിന്നീട് 2011-ല് ‘ദി ലിറ്റില് പ്രിൻസ്’ എന്ന ഹ്രസ്വചിത്രത്തിലൂടെ അഭിനയരംഗത്തേക്ക് ചുവടുവെച്ചു.
പിന്നീട് ‘ഗോ പ്രിൻസസ് ഗോ’, ‘ലവ് ഗെയിം ഇൻ ഈസ്റ്റേണ് ഫാന്റസി’, ‘ഫ്യൂഡ്’, ‘എറ്റേണല് ലവ്’ എന്നിവയുള്പ്പെടെ നിരവധി ചൈനീസ് പരമ്ബരകളില് അദ്ദേഹം അഭിനയിച്ചു. നിരവധി സംഗീത വീഡിയോകളും അലൻ പുറത്തിറക്കിയിട്ടുണ്ട്. അഭിനയത്തിന് പുറമെ, യു ഒരു മ്യൂസിക് വീഡിയോ സംവിധായകനായും അലൻ പ്രവർത്തിച്ചിട്ടുണ്ട്.
SUMMARY: Chinese actor and singer Alan Yu Menglong dies after falling from building
