കണ്ണൂർ: കണ്ണൂർ സെൻട്രല്‍ ജയിലില്‍ വീണ്ടും തടവുകാർ ഏറ്റുമുട്ടി. ഒരാള്‍ക്ക് പരുക്കേറ്റു. അഞ്ചാം ബ്ലോക്കിലെ തടവുകാരനായ രാമൻകുട്ടി എന്നയാള്‍ക്കാണ് പരുക്കേറ്റത്. ഭക്ഷണ സമയത്തുണ്ടായ വാക്കേറ്റത്തിനിടെയാണ് മർദ്ദനമുണ്ടായത്. കണ്ണൂർ ജില്ല ആശുപത്രിയില്‍ ചികിത്സ തേടി. അഞ്ചാം ബ്ലോക്കിലെ തടവുകാരൻ കിരണ്‍ രാജ് ഷെട്ടിയാണ് മർദ്ദിച്ചത്.
സംഭവത്തില്‍ ജയില്‍ അധികൃതർ കണ്ണൂർ ടൗണ്‍ പോലീസ് സ്റ്റേഷനില്‍ പരാതി നല്‍കി. കിരണ്‍ ഷെട്ടിക്കെതിരെ പോലീസ് കേസെടുത്തിട്ടുണ്ട് കഴിഞ്ഞ ശനിയാഴ്ച്ച ജയിലിലെ കാപ്പ റിമാൻഡ് തടവുകാർ തമ്മില്‍ ഏറ്റുമുട്ടിയിരുന്നു. ഇതിന് ശേഷമാണ് മറ്റൊരു സംഭവം കൂടി നടക്കുന്നത്.
SUMMARY: Clash erupts again in Kannur Jail; prisoner assaulted
