ബെംഗളൂരു: ഉപമുഖ്യമന്ത്രി ഡി.കെ. ശിവകുമാർ ഡിസംബറിന് ശേഷം സംസ്ഥാന മുഖ്യമന്ത്രിയാകുമെന്നുപറഞ്ഞ കോൺഗ്രസ് എംഎൽഎയ്ക്ക് പാര്‍ട്ടിയുടെ സംസ്ഥാന അച്ചടക്ക സമിതി കാരണംകാണിക്കൽ നോട്ടീസ് നല്‍കി. ചന്നഗിരി എംഎൽഎയായ ബസവരാജു ശിവഗംഗക്കാണ് കെപിസിസി അധ്യക്ഷൻ കൂടിയായ ഡി.കെ ശിവകുമാര്‍ നോട്ടീസുനൽകിയത്.
മുഖ്യമന്ത്രിപദവി സംബന്ധിച്ച് പരസ്യപ്രസ്താവന നടത്തുന്നതിന് പാർട്ടി വിലക്ക് നല്‍കിയിരുന്നു. എന്നാല്‍ ശിവകുമാര്‍ ഡിസംബറോടെ മുഖ്യമന്ത്രിയാകുമെന്ന് കഴിഞ്ഞ ദിവസം ബസവരാജു ശിവഗംഗ എംഎൽഎ മാധ്യമ പ്രവര്‍ത്തകരോട് പറഞ്ഞിരുന്നു. ഇതില്‍ ശിവകുമാര്‍ അതൃപ്തി പ്രകടിപ്പിക്കുകയും ചെയ്തിരുന്നു. മുഖ്യമന്ത്രിയുടെ കാലാവധിയെക്കുറിച്ചും അധികാരംപങ്കിടൽ സംബന്ധിച്ചും ആരും അഭിപ്രായപ്രകടനം നടത്തരുതെന്ന് പാർട്ടി വ്യക്തമാക്കിയിട്ടുണ്ടെന്നും പാർട്ടി എംഎൽഎമാർ അച്ചടക്കംപാലിക്കണമെന്നും ശിവകുമാർ പറഞ്ഞു.
SUMMARY: Cong issues notice to MLA for backing Shivakumar as Karnataka CM
