തിരുവനനന്തപുരം: തോമസ് കെ. തോമസ് എംഎല്എയുമായി ബന്ധപ്പെട്ട് ഉയര്ന്നുവന്നിരിക്കുന്ന വിവാദത്തെക്കുറിച്ച് അന്വേഷണം നടത്തി റിപ്പോര്ട്ടു സമര്പ്പിക്കാന് എന്.സി.പി (എസ്) സംസ്ഥാന പ്രസിഡന്റ് പി.സി. ചാക്കോ നാലംഗ കമ്മീഷനെ നിയമിച്ചു. എന്.സി.പി. (എസ്) സംസ്ഥാന വൈസ് പ്രസിഡന്റ്മാരായ അഡ്വ. പി.എം. സുരേഷ് ബാബു, ലതികാ സുഭാഷ്, അച്ചടക്ക സമിതി ചെയര്മാനും ജനറല് സെക്രട്ടറിയുമായ പ്രൊഫ. ജോബ് കാട്ടൂര്, സംസ്ഥാന സംഘടനാ ജനറല് സെക്രട്ടറി അഡ്വ. കെ.ആര്. രാജന് എന്നിവരടങ്ങുന്ന നാലംഗ സമിതിയെ 10 ദിവസത്തിനുള്ളില് വിഷയത്തില് സമഗ്ര അന്വേഷണം നടത്തി റിപ്പോര്ട്ട് സമര്പ്പിക്കുവാന് ചുമതലപ്പെടുത്തിയതായി എന്.സി.പി (എസ്) സംസ്ഥാന പ്രസിഡന്റ് പി.സി. ചാക്കോ പറഞ്ഞു.
ഇടത് എം.എല്.എമാരെ അജിത് പവാറിന്റെ എന്.സി.പി വഴി ബി.ജെ.പി പാളയത്തിലേക്ക് എത്തിക്കാന് നീക്കം നടത്തിയെന്നാണ് മന്ത്രിസ്ഥാനത്തിനായി കരുക്കള് നീക്കിയ തോമസ് കെ. തോമസിന് നേരെ ഉയര്ന്ന ആരോപണം. സി.പി.എം സംസ്ഥാന സെക്രട്ടറിയേറ്റില് മുഖ്യമന്ത്രി തന്നെയാണ് ഇക്കാര്യം അറിയിച്ചത്. തോമസ് കെ.തോമസിന് എന്തുകൊണ്ട് മന്ത്രി സ്ഥാനം നല്കുന്നില്ലെന്നതിലായിരുന്നു വിശദീകരണം.
<BR>
TAGS : KERALA NCP | THOMAS K THOMAS
SUMMARY : Corruption scandal; NCP appointed 4-member inquiry commission
