ബെംഗളുരു: വിൽസൺ ഗാർഡൻ ട്രാഫിക് പോലീസ് സ്റ്റേഷൻ പരിധിയിലെ ഡബിൾ റോഡിന് സമീപം രോഗിയില്ലാതെ അമിതവേഗതയിൽ വന്ന ആംബുലൻസ് ഇരുചക്രവാഹനത്തിൽ ഇടിച്ചുകയറി ദമ്പതികൾ മരിച്ചു. വിൽസൻ ഗാർഡൻ സ്വദേശി ഇസ്മയിൽ (40), ഭാര്യ സമീന ബാനു (33) എന്നിവരാണ് മരിച്ചത്. അമിതവേഗതായേ തുടര്ന്നു നിയന്ത്രണംവിട്ട ആംബുലൻസ് സിഗ്നലിൽ നിർത്തിയിട്ട മറ്റ് 3 ബൈക്കുകളിലും ഇടിച്ച ശേഷം 50 മീറ്റർ അകലെ പോലീസ് ഔട്പോസ്റ്റിൽ ഇടിച്ചാണ് നിന്നത്. ആംബുലൻസിനടിയിൽ കുടുങ്ങി ഇരുവരും സംഭവസ്ഥലത്ത് തന്നെ മരിച്ചു.
സ്കൂട്ടർ സിഗ്നലിൽ നിർത്തിയപ്പോൾ റിച്ച് മൗണ്ട് സർക്കിൾ ഭാഗത്ത് നിന്ന് സൈറൺ മുഴക്കി അമിത വേഗത്തിലെത്തിയ ആംബുലൻസ് ഇടിക്കുകയായിരുന്നു. രോഷാകുലരായ നാട്ടുകാർ ആംബുലൻസ് മറിച്ചിട്ടു. അപകടത്തെ തുടർന്ന് കടന്നുകളഞ്ഞ ഡ്രൈവറെ പിന്നീട് പോലീസ് പിടികുടി. ഡ്രൈവർക്കെതിരെ അശോക് നഗർ പോലീസ് കേസെടുത്തു.
SUMMARY: Couple dies after out-of-control ambulance hits scooter
