വീടിനുള്ളില്‍ ദമ്പതികളെ ഷോക്കേറ്റ് മരിച്ച നിലയില്‍ കണ്ടെത്തി

കൊച്ചി: വൈപ്പിനില്‍ ദമ്പതികളെ വീടിനുള്ളില്‍ ഷോക്കേറ്റ് മരിച്ച നിലയില്‍ കണ്ടെത്തി. ആത്മഹത്യയാണെന്നാണ് നിഗമനം. എളംകുന്നപ്പുഴ സ്വദേശികളായ സുധാകരൻ(75), ഭാര്യ ജിജി ഭായി (70) എന്നിവരാണ് മരിച്ചത്. വൈദ്യുതി വയർ സുധാകരന്റെ കാലില്‍ ചുറ്റിയ ശേഷം പ്ലഗിന്റെ സ്വിച്ച്‌ ഓണ്‍ ചെയ്ത നിലയിലായിരുന്നു. ഭർത്താവിന്റെ ദേഹത്ത് കിടക്കുന്ന നിലയിലായിരുന്നു ജിജിയുടെ മൃതദേഹം.

അതേസമയം രണ്ട് ദിവസം മുമ്പാണ് ആത്മഹത്യ ചെയ്തതെന്നാണ് നിഗമനം. സാമ്പത്തിക പ്രശ്നമാണ് ആത്മഹത്യയ്ക്ക് കാരണമെന്നാണ് സൂചന. ഇരുവരെയും വീടിന് പുറത്തേക്ക് കാണാത്തതിനെ തുടർന്ന് പരിശോധന നടത്തുകയായിരുന്നു. വീടിന്റെ വാതില്‍ കയർ ഉപയോഗിച്ച്‌ കെട്ടിവെച്ച നിലയിലായിരുന്നു ഉണ്ടായിരുന്നത്. വാടക വീട്ടിലാണ് ഇരുവരും താമസിച്ചിരുന്നത്.

SUMMARY: Couple found dead of shock inside home